Янгиликлар
08
Jaramsız halatqa kelgen yaki joytılǵan miynet dáptershesindegi jazıwlardı tastıyıqlaw tártibi belgilendi.
Jaramsız halatqa kelgen yaki joytılǵan miynet dáptershesindegi jazıwlardı tastıyıqlaw tártibi belgilendi.
Ózbekstan Respublikası Ministrler Kabinetiniń 2021-jılı 23-sentyabr kúni «Arxiv isi hám is júritiw tarawında mámleketlik xızmetlerdi kórsetiwdiń ayrım hákimshilik reglamentlerin tastıyıqlaw haqqında»ǵı 597-sanlı qararı qabıl etildi.
Qarardıń 1-qosımshası menen «Jaramsız halatqa kelgen yaki joytılǵan miynet dáptershesindegi jazıwlardı tastıyıqlaw boyınsha mámleketlik xızmetlerdi kórsetiwdiń hákimshilik reglamenti» tastıyıqlandı.
Usı reglament fizikalıq shaxslarǵa yáki olardıń jaqın tuwısqanlarına (eri yáki hayalı, perzentleri, aqlıqları, aǵa-inileri hám apa-sińlileri) Jaramsız halatqa kelgen yaki joytılǵan miynet dáptershesindegi mámleketlik arxivlerinde saqlanıp atırǵan shólkemler boyınsha jazıwlardı tastıyıqlaw boyınsha mámleketlik xızmetin kórsetiw tártibin belgileydi.
Bul xızmetten paydalanıw ushın puqaralar Mámleketlik xızmetler orayına ózi kelip yáki mámleketlik xızmetlerden elektron tárizde paydalanıw ushın BBIMXPdan (Birden-bir interaktiv mámleketlik xızmetler portalı) dizimnen ótedi.
Arza beriwshi ózi kelip múrájat etkende Mámleketlik xızmetler orayı xızmetkeri arza beriwshi atınan, BBIMXP arqalı múrájat etkende bolsa – gárezsiz túrde usı reglament penen tastıyıqlanǵan sorawnamanı elektron tárizde toltıradı. Arza beriwshi isenim xatı tiykarında háreket qılǵanda sorawnamaǵa notarial tastıyıqlanǵan isenim xatı nusqası qosımsha qılınadı.
Arza beriwshi mámleketlik xızmetler orayına kelip múrájat etkende, onıń sorawnaması mámleketlik xızmetler orayı xızmetkeri tárepinen toltırılıp, arza beriwshi tárepinen tastıyıqlanǵannan soń 10 minut dawamında, BBIMXP arqalı múrájat etkende bolsa, avtomatik túrde tiyisli mámleketlik arxivine elektron túrde jiberiledi.
Sorawnamada soralıp atırǵan shólkemler hújjetleri tiyisli mámleketlik arxivinde bolmaǵanda, sorawnamanı qabıl etken mámleketlik arxiv bir jumıs kúni dawamında tiyisli maǵlıwmat saqlanıp atırǵan mámleketlik arxivin anıqlaydı (shólkemler hújjetleri basqa arxivde bolmaǵan jaǵdaylardan tısqarı) hám sorawnamanı tiyisliligi boyınsha mámleketlik arxivlerine jiberedi.
Tiyisli mámleketlik arxivi sorawnama túsken waqıttan baslap joǵaltılǵan miynet dáptershesindegi jazıwlardı tastıyıqlawǵa baylanıslı maǵlıwmatnamalar ushın 20 jumıs kúninen aspaǵan múddette tiyisli QR-kodlı (matrik shtrixlı kod) maǵlıwmatnamanı qáliplestiredi hámde (ózi kelip múrájat etkende) tiyisli mámleketlik xızmetler orayına yamasa (elektron túrde múrájat etkende) BBIMXP arqalı elektron tárizde arza iyesine jiberedi.
Mámleketlik xızmetler orayı maǵlıwmatnama kelip túskennen soń 10 minut dawamında onı arza beriwshiniń elektron adresine jiberedi hám onı bul haqqında axborot-kommunikaciya sisteması arqalı xabardar etedi.
Arza beriwshi mámleketlik xızmetler orayına kelip múrájat etkende, onıń sorawına kóre mámleketlik xızmetler orayı oǵan maǵlıwmatnamanı elektron yamasa qaǵaz formada usınıwı múmkin.
Mámleketlik xızmet kórsetilgenligi ushın jaramsız halatqa kelgen yamasa joytılǵan miynet dáptershesindegi 1 shólkemdegi jumısqa kirgen hám jumıstan bosaǵanlıǵı haqqında jazıwlardı tastıyıqlaw ushın bazalıq esaplaw muǵdarınıń
0,08 esesi muǵdarında jıyım pulı óndiriledi.
Bunda mámleketlik xızmetten paydalanıw ushın BBIMXP arqalı múrájat etilgende, kórsetilgen jıyım summasınıń 90 payızı óndiriledi.
Taxtakópir rayonı Ádillik bólimi
Mámleketlik xızmetler orayı bólim baslıǵı M.Allambergenov