Янгиликлар
05
PHAJ bólimi tárepinen kórsetiletuǵın xızmetler
PHAJ bólimi tárepinen kórsetiletuǵın xızmetler
PHAJ organlarınıń wazıypası puqaralıq halatları aktlerin dizimge alıw jolı menen puqaralarǵa huqıqıy xızmet kórsetiw bolıp esaplanadı. PHAJ organları ózlerine júkletilgen wazıypaǵa muwapıq tómendegi xızmetlerdi puqaralarǵa kórsetedi:
Tuwılǵanlıqtı dizimge alıw, neke dúzilgenligi, nekeden ajırasqanlıqtı hám qaytıs bolǵan puqaralardıń ólimin dizimnen ótkeredi. Sonıń menen bir qatarda puqaralıq halatı akt jazıwlarına ózgeris, dúzetiw hám qosımshalar kiritiw, puqaralarǵa puqaralıq halatı akt jazıwların dizimge alınǵanlıǵı haqqında guwalıqlar, zárúr jaǵdaylarda bolsa tákrarıy guwalıqlar beriw, sonday-aq atalıqtı belgilew, perzentlikke alıw, familiya, atı hám akesınıń atın ózgertilgenligi haqqında guwalıqlar beredi.
Puqaralarǵa jánede qolaylıqlar jaratıw maqsetinde orınlarǵa barǵan halda kóshpeli xızmetler, kóshpeli qabıllawlar ótkerip tuwılǵanlıq, neke guwalıqların tapsırw xrzmetlerinde shólkemlestiriw wazrypalarr belgilengen. Bunnan tısqarı, Ózbekstan Respublikası Minisrtler Kabinetiniń 10.11.2020-jıldaǵı 704-sanlı “Tuwılǵanlıqtı dizimge alıw menen baylanıslı kompleks mámleketlik xızmetlerdi kórsetiwdiń hákimshilik Reglamenti” boyınsha tuwılǵanlıqtı dizimge alıw menen bir qatarda balanı ata-anasınıń jasaw ornı boyınsha dizimge qoyıw, aymaqlıq medicina birlespesine dizimge qoyıw, mektepke shekemgi bilimlendiriw mekemesine náwbetke qoyıw, bir mártelik napaqa pulın beriw boyınsha kompleks xizmetlerdi bir waqıttıń ózinde ámelge asıradı.
Ózbekstan Respublikası Prezidentiniń 23.03.2021-jıl 6191-sanlı Pármanına tiykar puqaralar turaqlı yaki waqtınsha jasaw ornına qaramastan puqaralıq halatı aktlerin eksterritorial principi tiykarında qálegen jerden ámelge asırıwı múmkinshiligi jaratılǵan.
Nókis rayon PHAJ bólimi inspektorı G.Otepova