Янгиликлар
18
Ádillik_xabarı
Yuridik texnikumlarǵa oqıwǵa qabıllaw dawam etpekte. Sońǵı múddet – 20-avgust
Xabarıńız bar, Ózbekstan Respublikası boyınsha 14 yuridik texnikumlar shólkemlestirilgen. (Sonıń ishinde Qaraqalpaqstan Respublikası yuridik texnikumı)
Olarda tómendegi qánigelikler boyınsha kadrlar tayarlanadı:
mámleketlik huqıqıy iskerlik;
yuridikalıq xızmet;
sud-huqıqıy iskerlik.
Yuridik texnikumlarǵa ulıwma orta bilimlendiriw (11-klasstı) yaki orta arnawlı, kásip-óner bilimlendiriwi mákemesin pitkergenler hújjet tapsırıwı múmkin.
Oqıwǵa kiriw ushın hújjetler Birden-bir interaktiv mámleketlik xızmetleri portalı (my.gov.uz) yamasa Mámleketlik test orayınıń rásmiy veb-saytı (my.dtm.uz) arqalı onlayın qabıl etiledi.
Hújjetlerdi qabıl etiw 20-avgustǵa shekem (sol kúni de) bolıp ótedi.
Yuridik texnikumlarǵa Ózbekstan puqaraların qabıl etiw MTO (Mámleketlik test orayı) tárepinen ótkeriletuǵın test sınawları arqalı ámelge asırıladı.
Shet el puqaraları yuridik texnikumlar tárepinen shólkemlestiriletuǵın sáwbet nátiyjesinde qabıl etiledi.
Abiturientler oqıwǵa mámleketlik buyırtpası, tólem-kontrakt, sonıń ishinde, tabaqalastırılǵan tólem-kontrakt tiykarında qabıl etiledi.
Oqıw múddeti 2 jıldı quraydı.
Qaraqalpaqstan Respublikası Ádillik ministrligi hákimshiligi