Янгиликлар
09
Konstituciyalıq reformalar
Konstituciyalıq reformalar: nızamshılıqtaǵı hár qanday túsiniksizlik
(qarama-qarsılıq) insan paydasına sheshiledi.
Jáhán jámiyetshiligi tárepinen tán alınǵan xalıqaralıq huqıq principlerı hám normalarında, sonıń menen birge, Konstituciyamızda insan, onıń turmısı, erkinligi, ar-namısı, qádir-qımbatı hám basqada qol qatılmas huqıqları joqarı qádiriyat ekenligi belgilep berilgen. Atap aytqanda, usı norma Tiykarǵı Nızamnıń 13-statyasında belgilengen.
Usı kúnleri mámleketimiz kóleminde talqılaw qılınıp atırǵan Konstituciyalıq nızam joybarında bolsa bul statya insan huqıq hám erkinliklerin qorǵawdı kúsheytiw menen tolıqtırıldı.
Atap ótiw kerek, mámleketimizde insan huqıq hám erkinliklerin támiyinlew máselesi puqaralar ushın múnásip turmıs sharayat jaratılıwına qaratılǵan ámelge asırılıp atırǵan demokratiyalıq reformalardıń bas kriteryasına aylanıp atır.
Búgingi kúnde Ózbekstan Respublikasında insan huqıqları boyınsha 80 nen artıq xalıqaralıq hújjetler, 6 tiykarǵı shártnama hám BMTning 4 fakultativ protokolı ratifikaciyalandı.
Yaǵnıy, insannıń ar-namısın qorǵaw, onıń qádir-qımbatı, huqıq hám erkinliklerin húrmet qılıw mámleketimizde ámelge asırılıp atırǵan reformalardıń ústin turatuǵın baǵdarlarınan biri bolıp tabıladı.
Usınıń menen birge, Ózbekstanda milleti, dini, social poziciyasi, siyasiy hám basqa kóz qarasları boyınsha insan huqıqları hesh qanday sheklewlerge jol qoyılmaydı.
Bul statyada mámleket tárepinen shaxstıń ar-namısı hám qádir-qımbatı, onıń huqıq hám erkinliklerin húrmet qılıw, olarǵa ámel qılıw hám qorǵaw minnetlemesin belgilew usınıs etiledi. Usı normanıń qabıl etiliwi menen insan qádirin kóteriw, mámleket hákimiyatı hám basqarıw uyımlarınıń konstituciyalıq minnetlemesine, ústin turatuǵın wazıypasına aylanadı.
Bunnan tısqarı, joybarda insan huqıq hám erkinlikleri tikkeley háreket etiwi, nızamlardıń mazmunı hám qollanılıwı, mámleketlik uyımları, puqaralardıń ózin ózi basqarıw uyımları hám lawazımlı shaxslardıń iskerligi belgilep berilgen.
Bunnan tısqarı, mámleketlik organı tárepinen názerde tutılǵan nızamlı maqsetke erisiw ushın shaxsqa qollanılatuǵın huqıqıy tásir sharaları jeterli bolıwı hám mápder shaxslar ushın eń kem salmaqli bolıwı kerek.
Hújjettiń bul 13-statyasına konstituciyalıq reformalar processinde Konstituciyalıq komissiya aǵzaları hám jámiyetshilik tárepinen bir neshe márte aytıp ótilken norma kiritilgen bolıp, nızam hújjetlerinde shaxs penen múnasábetlerde júzege keletuǵın barlıq dúzetib bolmaytuǵın qarama-qarsılıqlar hám anıq emeslikler, mámleket shólkemleri shaxs paydasına sheshedi.
Kiritilip atırǵan ózgertis hám qosımshalar mámleketimizde hár qanday mámleketlik uyımlarınıń iskerligi insan hám jámiyet párawanlıǵına xizmet etiwine hám kóteriwine qaratılǵanı menen áhmiyetli bolıp tabıladı.
Mámleket, tiyisli organlar arqalı óz wazıypaların orınlawda sociallıq ádillikke hám nızamlılıqqa ámel qılıwı shárt. Sebebi, demokratiyalıq huqıqıy mámlekettiń eń zárúrli shártlerinen biri, insan hám shaxs mápleriniń ústinligi bolıp tabıladı.
Bir sóz benen aytqanda, Konstituciyamızǵa kiritilip atırǵan qosımshalar, demokratiya hám insan huqıqlarınıń hámme tarepinen tán alınǵan ideyaları hám qádiriyatlarına, sonıń menen birge, insan huqıqları salasındaǵı xalıq aralıq minnetlemelerge mámleket óziniń sadıqlıǵın taǵı bir bar tastıyıqlaydı.
Bunnan tısqarı, insan huqıqları salasındaǵı nızamchiligimiz rawajlantırıladı, insan huqıq hám erkinliklerin támiyinlew hám qorǵawdıń qosımsha konstituciyalıq-huqıqıy kepillikleri ornatıladı.
Qaraózek rayonı ádillik bólimi
yuridikalıq xızmet kórsetiw orayı baslıǵı: A.Reymov