Янгиликлар
28
Fermer xojalıqlarına berilgen jeńillikler
Fermer xojalıqlarına berilgen jeńillikler
Ózbekstan Respublikası Prezidentiniń 2022-jıl 25-marttaǵı “Paxta maydanlarında topıraq ónimdarlıǵın hám hasıldarlıqtı asırıw, suwǵarıwdıń jańa texnologiyaların engiziwdi qollap-quwatlaw ilajları haqqında”ǵı PQ-179-sanlı Qararına tiykar, awıl xojalıǵı jerlerinen paydalanıwshı (ijarashı)larga paxta maydanlarında topıraq ónimdarlıǵın asırıw ilajları ushın 2022-2023 jıllarda sınaq jolı menen xoshametlewdiń tómendegi mexanizmleri engiziledi:
• topıraq ónimdarlıǵın asırıw hám erroziyadan qorǵaw ilajların ámelge asırǵanlıq ushın salıq jeńillikleri beriledi;
• jerlerdi qayta tiklew, qayta paydalanıwǵa kirgiziw hám tazadan ózlestiriw, rekultivatsiyalaw hám melioratsiyalaw ilajların orınlaw ushın subsidiyalar ajratıladı hám jer salıǵınan bir bólegi azat etiledi.
2022-2023 jıllarda sınaq jolı menen:
• topıraq ónimdarlıǵın hám paxta zúráátliligin asırıw, ilimiy tiykarlanǵan almaslap egiwdi hám suwǵarıwdıń jańa texnologiyaların engiziw hám de ósimlikler qorǵawı boyınsha xızmetlerdi jolǵa qoyıw hám zamanagóy laboratoriyalardı qurıw ushın jerden paydalanıwshı (atap aytqanda, klaster)larǵa Mámleket byudjeti qarjıları esabınan hár bir gektar maydanǵa 1 million sumnan subsidiya ajratıladı ;
• paxta maydanlarında topıraq ónimdarlıǵı hám hasıldarlıqtı asırǵanlıq ushın salıq jeńillikleri topıraq bonitirovkasi analizi nátiyjeleri boyınsha topıraq ónimdarlıǵı asqan jerden paydalanıwshılarǵa qollanıladı ;
• jer salıǵı boyınsha jeńillikler 3 jıl múddetke ámel etedi.
Qararǵa kóre, subsidiya ajıratıw tájiriybesi tiyisli dizim boyınsha 13 rayonda sınawdan ótkeriledi.
Shomanay rayonı ádillik bólimi baslıǵı
Kannazarov Erkinbay Oserbay ulı