Янгиликлар
24
Nızamshılıqtaǵı jańalıqlar
Nızamshılıqtaǵı jańalıqlar
“Pedagogikalıq tálim sapasın asırıw hám pepdagog kadrlar tayarlawshı joqarı oqıw orınları jumısın jánede rawajlandırıw ilajları haqqında”ǵı Prezident qararı (PQ–289-san, 21.06.2022-j.) qabıl etildi.
Pedagoglardıń shet elde oqıwı ushın keminde 35 óz aldına kvota ajıratıladı
Qararǵa kóre, 2023-jıl 1-yanvarǵa shekem pedagog kadrlar tayarlawshı JOO bakalavriatında oqıp atırǵan studentler ushın olardıń tálim baǵdarlarına túrles bolǵan qánigelikler boyınsha qosımsha pedagogikalıq tayarlaw baǵdarlamaları islep shıǵıladı.
Baǵdarlamalar boyınsha oqıwǵa JOO bakalavriatınıń sońǵı eki basqıshında oqıp atırǵan studentler qabıl etiledi.
Baǵdarmalanı ózlestirgenlik haqqındaǵı sertifikatqa iye shaxslarǵa joqarı bilimlendiriw ornında oqıwdı pitkergennen keyin qayta tayarlaw kurslarınan ótpesten sertifikatta kórsetilgen qánigelik boyınsha mektepke shekemgi, ulıwma orta, orta arnawlı hám professional bilimlendiriw shólkemlerinde pedagogikalıq iskerlik penen shuǵıllanıw huqıqı beriledi.
2023/2024-oqıw jılınan pedagog kadrlar tayarlawshı JOOnıń qospa tálim joybarlarında tálim alıp atırǵan studentlerdiń birge islesiwshi shet el JOOda oqıw dáwiri ushın tólemli-kontrakt bahasın qaplap beriw tártibi engiziledi.
2023-jıldan pedagogika tarawı boyınsha abıroylı shet el JOOda bakalavriat, magistratura, doktorantura joybarları tiykarında kadrlar tayarlaw ushın “El-yurt umidi” qorı stipendiyaları esabınan hár jılı tastıyıqlanǵan ulıwma qabıllaw kvotaları sheńberinde pedagog kadrlar ushın keminde 35 óz aldına kvota ajıratıladı.
Qarar menen pedagog kadrlar tayarlawshı JOO janında shólkemlestirilgen akademikalıq liceyler (8) dizimi tastıyıqlandı.
2023/2024-oqıw jılında tájiriybe-sınaq retinde pedagog kadrlar tayarlawshı JOO janındaǵı akademikalıq liceylerge qabıllaw eki basqıshlı saylap alıw sisteması - dáslepki jazba imtixan hám de test sınaqları tiykarında shólkemlestiriledi.
2022/2023-oqıw jılınan ulıwma orta bilim beriw mákemeleriniń pedagog kásibine uqıplı 10 -11-klass oqıwshıların arnawlı islep shıǵılǵan variativ oqıw rejeleri tiykarında oqıtıw ilajları kóriledi.