Янгиликлар
08
Jeke múlkti qorǵaw hám mulkdarlar huqıqlarınıń kepilliklerin kúsheytiw, isbilermenlik baslamaların qollap-quwatlaw boyınsha nızamshılıqtaǵı sońǵı jańalıqlar.
Jeke múlkti qorǵaw hám mulkdarlar huqıqlarınıń kepilliklerin kúsheytiw, isbilermenlik baslamaların qollap-quwatlaw boyınsha nızamshılıqtaǵı sońǵı jańalıqlar.
Házirgi kúnde biziń respublikamızda isbilermenlikti qollap-quwatlawda kóplegen jeńılllikler berilip atır 2022-jıl 30-may kúngi PQ-264-sanlı “Qaraqalpaqstan Respublikasınıń arqa rayonlarında isbilermenlikti rawajlandırıwdıń qosımsha is-ilájları haqqında”ǵı qararı menen Qaraqalpaqstan Respublikasınıń Bozataw, Qaraózek, Kegeyli, Qońırat, Qanlıkól, Moynaq, Nókis Taxiyatash, Taxtakópir, Xojeli, Shımbay, Shomanay rayonlarında bar bolǵan jer hám suw resurslarınan nátiyjeli paydalanıw, awıl xojalıǵı hám isbilermenlikti hám isbilermenlikti qollap-quwatlaw, xalıqtıń bántligin támiyinlew hám dáramatın asırıw hámde qolay agrobiznes ortalıǵın jaratıw maqsetinde arqa rayonlarda jaylasqan bos turǵan mámleketlik kóshpes múlk obektlerin satıwda aukciyon sawdalarda satılǵan bahadan barlıq qarıydarlarǵa satıp alıw tólemlerin 7 jıl múddetke bólip tólew imkaniyatın beriw, aukciyon sawdalarda satılǵan mámleketlik kóshpes múlk obektleri boyınsha dúzilgen aldı-sattı shártnamalarına muwapıq tólewler 3 ay ishinde tolıq tólengen shártnama summasınıń 25 payızına teń muǵdarda jeńillikler beriw, fizikalıq hám yuridikalıq shaxslarǵa isbilermenlik hám qala qurılısında jumısların ámelge asırıw ushın awıl xojalıǵına mólsherlenbegen bos turǵan jer uchastka larına ijara huqıqı elektron onlayn-aukciyonda satıp alıw summasın 5 jıl dawamında bólip tólew imkaniyatın jaratıw, rayon hákimlikleri balansındaǵı bos turǵan binalardı jeke menshik mektepke shekemgi bilimlendiriw shólkemin shólkemlestiriw ushın mámleketlik jeke menshik sheriklik tiykarında isbilermenlik subektlerine tańlaw arqalı beriw hám binanı rayon hákimligi balansında qaldırıw, úsh jıldan soń jeke menshik sherikke mámleketlik-jeke menshik sheriklik haqqındaǵı pitimdi imzalaw payıtında bahalanǵan summanıń 50 payızı muǵdarında haq tólew esabınan bes jıl dawamında tólew shárti menen usınıs etilgen binalardı menshiklestiriw imkanın beriw;
Arqa rayonlarda 2025-jıl 1-yanvarǵa shekem eksperiment sıpatında awıl xojalıǵında paydalanıwdan shıǵıp ketken hámde jańadan ózlestiriwge mólsherlengen jer maydanların investorlarǵa “E-AUKCYON” elektron sawda platformasında ashıq elektron tańlaw tiykarında 30 jılǵa awıl xojalıq iskerligin júritiw ushın ijaraǵa beriwde, arqa rayonlarda dizimnen ótip, usı jer maydanlarında is júritetuǵın awıl xojalıǵına mólsherlengen isbilermenlik subektlerine (bunnan klasterler tısqarı) usı is júritiwden alınatuǵın dáramatı boyınsha aylanbadan alınatuǵın salıq, sonıń menen birge usı rayonlardaǵı awıl-xojalıǵı ónim jetistiriw hám saqlaw maqsetinde paydalanatuǵın jer uschastkaları hám mal-mulki boyınsha yuridikalıq shaxslardıń mal-múlkine salınatuǵın salıq stavkaları 50 payızǵa kemeytiriledi;
Awıl xojalıǵı ministrligi talabnamalarına muwapıq paydalanıwdan shıqqn suwǵarılatuǵın jerlerdi ózlestiriw, suwǵarılatuǵın jerlerde jer dúziw, buzılǵan jerlerdi rekultivaciya qılıw boyınsha joybarı hújjetlerin islepshıǵıw hámde awıl xojalıǵı jerleriniń avtomatlastırılǵan jer-axborat tizimin jaratıw hám jańalap barıw jumıslarına Mámleketlik byudjetinen qarjılar esaplanadı.
Qaraqalpaqstan Respublikası rayonlarında jasawshı hám isbilermenlik jumısların alıp barıwshı fizikalıq shaxslarǵa Mámáleketlik byudjeti qarjıları esabınan hár jılı tastıyıqlanatuǵın parametrler sheńberinde quyash fotoelektrik stanciyası, quyash suw ısıtıw tizimleri hám shamal elektr stanciyaların qurıwda pútinlewshi bólimlerin satıp alıw qarejetleriniń 30 payızı muǵdarında, biraq 3 million sumnan aspaytuǵın muǵdarda kompensaciyalar usınıladı.
Bunnan tısqarı 2022-2024 jıllar dawamında Qaraqalpaqstan Respublikasınıń arqa rayonlarında awıl xojalıǵı tarawın rawajlandırıw hám isbilermenlikti qollap-quwatlawǵa baylanıslı is-ilájlar dásturide islep shıǵıldı.
Izekeeva Gulnara,
Nókis rayonı YuXKO bas yursikonsulti