Янгиликлар
22
Meniń konstituciyam.
Referendum ne hám ol qalay ótkeriledi?
Referendum – Ózbekstan Respublikasınıń nızamların hám basqa qararların qabıl etiw maqsetlerinde jámiyet hám mámleket turmısınıń eń áhmiyetli máseleleri boyınsha puqaralardıń ulıwmaxalıqlıq dawıs beriwi bolıp esaplanadı.
Referendum saylawlar menen bir qatarda xalqımızdıń erk-ıqrarı hám qálewiniń sáwleleniwi esaplanadı. Referendumda qabıl etilgen qararlar joqarı yuridikalıq kúshke iye boladı.
Referendumda kimler qatnasadı?
Referendum ótkeriletuǵın kúnge shekem yamasa referendum kúni on segiz jasqa tolǵan Ózbekstan Respublikasınıń hár bir puqarası referendum qatnasıw huqıqına iye.
Referendumǵa kimler qatnasa almaydı?
Sud tárepinen qatnasıq uqıplılıǵına iye emes dep tabılǵan puqaralar, sonday-aq awır hám oǵada awır jınayatlar islegeni ushın sud húkimi menen erkinlikten ayırıw tárizindegi jazanı orınlaw mákemelerinde saqlanıp atırǵan shaxslar qatnasıw huqıqına iye emes.
Referendum ótkeriw baslaması menen kimler shıǵa aladı?
1. Ózbekstan Respublikası puqaraları;
2. Ózbekstan Respublikası Oliy Majlis palataları;
3. Ózbekstan Respublikası Prezidenti
Referendum Ózbekstan Respublikası Oliy Majlisi tárepinen tayınlanadı.
Prezident referendum ótkeriw baslamashısı bolǵan jaǵdayda ol Ózbekstan Respublikası Oliy Majlisine múrájat etiwi yamasa referendum ótkeriw haqqında óz qararın qabıl etiwi múmkin.
Referendumǵa qoyılıp atırǵan máseleniń teksti referendum tayınlanǵanda maqullanadı.
Referendumdı kim ótkeredi?
Referendumǵa tayarlıq kóriw hám onı ótkeriwdi referendum ótkeriwshi komissiyalar ámelge asıradı. Bular:
Ózbekstan Respublikası Oraylıq saylaw komissiyası;
Referendum ótkeriwshi okrug saylaw komissiyası;
Referendum ótkeriwshi uchastka saylaw komissiyası.
Saylawdaǵıday referendum ótkeriwshi komissiya aǵzalarına transport hám awqatlanıw ushın kompensaciya tólene me?
Awa, uıs jıldıń 16-iyun kúni qabıl etilgen 779-sanlı Nızamǵa tiykar, «Ózbekstan Respublikasınıń referendumı haqqında»ǵı Nızamǵa ózgerisler kirgizildi.
Referendum ótkeriwshi komissiyalardıń aǵzalarına referendumǵa tayarlıq kóriw hámde onı ótkeriwge baylanıslı qárejetler smetasında kórsetilgen muǵdarda transport, awqatlanıw qárejetleriniń hám basqa qárejetleriniń ornın qaplaw maqsetinde kompensaciya tólenedi.
Qay tártipte dawıs beriledi?
Referendum ótkeriwde puqaralardıń óz qálewin ulıwma, teń hám tuwrıdan-tuwrı bildiriwi tiykarında jasırın dawıs beriw jolı menen ótkeriledi.
Dawıs beriw arnawlı ajıratılǵan imaratlarda ótkerilip, referendumda dawıs beriw byulleteni dawıs beriwshi tárepinen jasırın dawıs beriw kabinasi yamasa xanasında toltırıladı.
Egerde puqaralar referendumǵa qoyılǵan máselege qarsı dawıs bergen bolsa másele túsindirmesi tekstin óshiredi, eger de máseleni jaqlap dawıs bergen bolsa onı óshirmeydi.
Byulletendi dawıs beriw qutısına taslaydı.
Nátiyjelerdi anıqlaw
Oraylıq saylaw komissiyası tárepinen okrug saylaw komissiyalarınıń protolları tiykarında referendum nátiyjeleri anıqlanadı.
Egerde dawıs beriwde qatnasqan puqaralardıń yarımınan kóbi jaqlap dawıs bergen bolsa, qarar referendumda qabıl etilgen dep tabıladı.