Янгиликлар
03
Miynet shártnamasın is beriwshiniń baslaması menen bıykar etiw tiykarları hám tártibi
Miynet kodeksiinng 100-statyasına muwapıq, belgisiz múddetke dúzilgen miynet shártnamasında, múddeti tamamlanǵanǵa shekem múddetli miynet shártnamasında is beriwshiniń baslaması menen bıykar etiw tiykarlı bolıwı shárt.
Tómendegi sebeplerden biriniń bar ekenligi miynet shártnamasın bıykar etiwdiń tiykalı ekenligin ańlatadı:
texnologiyadaǵı, islep shıǵarıw hám miynetti shólkemlestiriwdegi ózgerisler, xızmetkerler sanı (shtatı) yamasa jumıs ózgesheliginiń ózgeriўine alıp kelgen jumıslar kóleminiń qısqarǵanlıǵı yaki kárxananıń saplastırılǵanlıǵı;
xızmetkerdiń qanigeligi jeterli bolmaǵanlıǵı yamasa den sawlıǵı jaǵdayına kóre atqarap atırǵan jumısına ılayıq emes bolıp qalıwı;
xızmetkerdiń óz miynet wazıypaların úzliksiz túrde buzǵanlıǵı;
Aldın miynet wazıypaların buzǵanlıǵı ushın xızmetker ıntızamiy yamasa materiallıq juwapkerlikke tartılǵan yamasa oǵan miynet haqqındaǵı nızam hújjetleri hám basqa normativ hújjetlerde názerde tutılǵan tásir ilajları qollanılǵan kúnnen baslap bir jıl dawamında xızmetker tárepinen tákirariy ráwishte intizamǵa qayshı háreket isleniwi miynet wazıypaların turaqlı ráwishte buzıw esaplanadı;
xızmetkerdiń óz miynet wazıypaların bir márte qopal ráwishte buzǵanlıǵı.
Xızmetker menen dúzilgen miynet shártnamasın bıykar etiwge alıp keliwi múmkin bolǵan miynet wazıypaların bir márte qopal ráwishte buzıwlardıń dizimi:
ishki miynet tártibi qaǵıydaları;
kárxana múlkdarı menen kárxana basshısı ortasında dúzilgen miynet shártnaması;
ayırım taypadaǵı xızmetkerlerge qollanılatuǵın ıntızam haqqındaǵı reje hám ustavlar menen belgilenedi;
Xızmetkerdiń óz miynet wazıypaların buzıwı qopal kóriniske iye ekenligi yamasa iye emesligi hár bir islengen orınsız is-hárekettiń awır-jeńilligine hámde bunday buzıw sebepli kelip shıqqan yamasa kelip shıǵıwı múmkin bolǵan aqıbetlerge qarap belgilenedi;
orınlaslıq tiykarında islemeytuǵın basqa xızmetkerdiń jumısqa qabıl etiliwi múnásibeti menen, sonday-aq miynet shártlerine kóre orındaslıq jumısı shekleniwi sebepli orındaslar menen miynet shártnamasınıń biykar etilgenligi;
kárxana basshısı, onıń orinbosarlari, bas esapshı menen, kárxanada bas esapshı lawazımı bolmaǵan jaǵdayda bolsa, bas esapshı wazıypasın ámelge asırıwshı xızmetker menen dúzilgen miynet shártnaması múlkdardıń almasıwı sebepli biykar etilgenligi;
xızmetkerdiń pensiya jasına tolǵanlıǵı, nızamshılıqqa muwapıq jasqa baylanıslı mámleketlik pensiya alıw huqıqı bar bolǵanda.
Xızmetker waqtınsha miynetke jaramsız dáwirinde hám miynet haqqındaǵı nızam hújjetleri hám basqa normativ hújjetlerde názerde tutılǵan dem alıslarda bolǵan dáwirinde miynet shártnamasın is beriwshiniń baslaması menen bıykar etiwge jol qoyılmaydı, kárxana pútkilley saplastırılǵan jaǵdaylar bunnan tısqarı.
Sonday-aq, Miynet kodeksiniń 101-stat'yasına muwapıq, egerde jámáátlik kelisim yamasa jámáát shártnamasında miynet shártnamasın is beriwshiniń baslaması menen bıykar etiw ushın kásiplik awqamı komiteti yamasa xızmetkerler basqa wákillik organınıń aldınan razılıǵın alıw názerde tutılǵan bolsa, shártnamanı bunday razılıqtı almay turıp bıykar etiwge jol qoyılmaydı.
Bunnan tısqarı, Miynet kodeksiniń 102-stat'yasına muwapıq, is beriwshi miynet shártnamasın biykar etiw niyeti haqqında xızmetkerdi tómendegi múddetlerde jazba túrde eskertiwi shárt:
100-stat'ya ekinshi bóliminiń 1,7-bántlerine tiykar biykar etilgende keminde eki ay aldın;
100-stat'ya ekinshi bóliminiń 2-bántine tiykar biykar etilgende keminde eki hápte aldın.
Xızmetker menen is beriwshiniń ortasındaǵı kelisimge kóre usı statyanıń birinshi bóliminiń 1,2-bántlerinde názerde tutılǵan eskertiw onıń múddetine muwapıq keletuǵın pullıq kompensaciya menen almastırılıwı múmkin.
Miynet shártnaması xızmetker ayıplı is-háreket islegenligi múnásibeti menen biykar etilgen jaǵdaylarda is beriwshi xızmetkerdi miynetke baylanıslı qatnasıqardıń biykar etiliwi haqqında keminde úsh kún aldın xabardar etedi yamasa oǵan kompensaciya tóleydi.
Nókis qalası Yuridikalıq xızmet kórsetiw orayı baslıǵı T.Utemıratov