Янгиликлар
22
Nızamshılıqtaǵı jańalıqlar
Mayıplılıǵı bolǵan shaxslardıń repetitor qárejetleri qaplap beriledi
Húkimet qararı (341-san, 21.06.2022-j.) menen mayıplıǵı bolǵan jaslarǵa oqıw, jasaw hám transport qárejetlerin qaplaw ushın subsidiya ajıratıwdıń hákimshilik reglamenti tastıyıqlandı.
Reglamentke kóre, mayıplıǵı bolǵan jaslarǵa mámleketlik emes bilimlendiriw shólkemlerinde kásip-óner, programmalastırıw, ulıwma bilimlendiriw pánleri hám shet tillerdi úyretiw, zárúr jaǵdaylarda jasaw hám transport qárejetlerin qaplaw ushın BEMnıń 50 esesine shekem (15 mln sumǵa shekem) subsidiya ajıratıladı.
Subsidiya alıw ushın qálegen mámleketlik xızmetleri orayına múrájat etiledi yaki Birden-bir interaktiv mámleketlik xızmetler portalı (BIMXP) (https://my.gov.uz/uz) arqalı mámleketlik xızmetinen elektron tarizde paydalanıw ushın dizimnen ótiledi.
Arzaǵa tómendegiler qosımsha etiledi:
oqıw qárejetleri ushın subsidiya alıwda;
arza balanıń nızamlı wákili tárepinen berilse, onıń jeke shaxsiy identifikaciya nomeri hám balanıń nızamlı wákili ekenligin tastıyıqlawshı hújjet;
mámleketlik emes bilimlendiriw shólkemi tárepiniń arza beriwshini oqıtıw haqqındaǵı shártnamanıń elektron kóshirmesi;
jasaw hám transport qárejetleri ushın subsidiya alıwda;
jol qárejetlerin tastıyıqlawshı hújjetlerdiń elektron kóshirmeleri;
ijara shártnaması hám onıń salıq organlarında esapqa qoyılganlıǵı haqqındaǵı bildiriwnamanıń elektron koshirmesi.
Mámleketlik xızmeti pulsız kórsetiledi.
Arza 3 jumıs kúninde kórip shıǵılıp:
subsidiya ajıratıw haqqında elektron sistemaǵa maǵlıwmat kirgiziledi hám bul haqqında arza beriwshige SMS-xabarnama jiberiledi;
mámleketlik emes bilimlendiriw shólkemi jaylasqan aymaqtaǵı máhálleniń jaslar jetekshisi juwapkershiligine arza beriwshiniń mámleketlik emes bilimlendiriw shólkeminde oqıwın orınǵa shıqqan halda monitoring etiw wazıypası júkletiledi.
Mámleketlik xızmetlerin kórsetiw processinde arza beriwshilerge baylanıslı maǵlıwmatlar sır saqlanadı.
Húkimet qararı menen sonday-aq, Mayıplıǵı bolǵan jaslarǵa áspab-úskeneler hám miynet quralların satıp alıw subsidiya ajıratıwdıń hákimshilik reglamenti de tastıyıqlandı.
Qaraqalpaqstan Respublikası Ádillik ministrligi
Huqıqıy úgit-násiyat hám aǵartıwshılıq bólimi baslıgı A.Oteuliyev