Янгиликлар
17
Qurılıs kesip alıp islew shártnaması.
Qurılıs kesip alıp islew shártnaması talapları Ózbekstan Respublikası Puqaralıq Kodeksiniń 2-bólim 37-bab 666-685-statyalarinda kórsetilgen.
Qurılıs kesip alıp islew shártnaması boyınsha kesip alıp islewshi shártnamada belgilengen múddette buyırtpashınıń tapsırıǵı menen arnawlı bir ob'ektti qurıw yamasa basqa qurılıs jumısın orınlaw minnetlemesin aladı, buyırtpashı bolsa kesip alıp islewshige jumıstı orınlaw ushın zárúr sharayat jaratıp beriw, jumıstı qabıllaw hám kelisilgen haqti tólew minnetlemesin aladı.
Kesip alıp islew shártnamasında jumıstı orınlawdıń baslanǵısh hám aqırǵı múddetleri kórsetiledi. Tárepler ortasındaǵı shártlesiwge muwapıq, shártnamada jumıstıń ayırım basqıshların tamamlaw múddetleri (aralıq múddetler) da názerde tutılıwı múmkin. Kesip alıp islew shártnamasında basqasha tártip názerde tutılǵan bolmasa, jalawshı jumıstı orınlawdıń baslanǵısh hám aqırǵı, sonıń menen birge aralıq múddetlerin buzǵanlıq ushın juwapker boladı.
Kesip alıp islew shártnamasında atqarılatuǵın jumıstıń bahası kórsetiledi. Kesip alıp islew shártnaması daǵı jumıstıń bahası jalawshınıń shıǵınların hám oǵan tolıqnatuǵın haqni óz ishine aladı. Jumıstıń bahası smeta dúziw jolı menen anıqlanıwı zarur.
Buyırtpashı orınlanǵan jumıstı (onıń nátiyjesin) kesip alıp islew shártnamasında názerde tutılǵan múddette hám tártipte kesip alıp islewshi qatnasıwında kórip shıǵıwı hám qabıllawı, kemshilikler anıqlanǵan táǵdirde bolsa, bul boyınsha kesip alıp islewshige tezlik penen xabar beriwi shárt.
Buyırtpashı menen kesip alıp islewshi ortasında orınlanǵan jumıstıń kemshilikleri daw kelip shıqqan táǵdirde, qálegen táreptiń talabı boyınsha ekspertiza tayınlanıwı kerek. Ekspertiza ótkeriw ǵárejetleri kesip alıp islewshi moynında boladı, ekspertiza táreplerdiń óz-ara shártlesiwi menen tayınlanǵan bolsa, eki tárep teń muǵdarda tóleydi.
Buyırtpashı kesip alıp islewshinıń atqarǵan jumısı ushın smetada názerde tutılǵan muǵdarda, nızam yamasa qurılıs kesip alıp islewi shártnamasında belgilengen múddette hám tártipte aqsha tóliydi.
Buyırtpashı islerdiń atqarılıwı ústinen tekseriw hám qadaǵalawdı ámelge asırıp atırǵanda qurılıs kesip alıp islewi shártnaması shártlerinen jumıslar sapasın jamanlashtirishi múmkin bolǵan dárejede sheginiwdi yamasa basqa kemshiliklerdi anıqlasa, bul tuwrında tezlik penen kesip alıp islewshige xabar beriwi shárt. Bunı xabar etpegen buyırtpashı anıqlanǵan kemshiliklerdi keyinirek sıltaw etip keltiriw huqıqın joytadı.
Kesip alıp islewshi qurılıs kesip alıp islewi shártnaması boyınsha orınlanǵan jumıslar nátiyjesi yamasa,eger shártnamada názerde tutılǵan bolsa, islerdiń orınlanǵan basqıshı tapsırıwǵa tayın ekenligi tuwrısında xabar alǵan buyırtpashı tezlik penen onı qabıl qılıp alıwǵa kirisiwi shárt.Jumıslar nátiyjesiniń kesip alıp islewshi tárepinen tapsırılıwı hám buyırtpashı tárepinen qabıl etip alınıwı eki tárep imzolagan akt menen rásmiylestiriledi.
Qońırat rayonı adliya bólimi yuridiralıq xızmet kórsetiw orayı bas yuriskonsulti M.K.Seytbayeva