Янгиликлар
14
Úy-jay satıp alıw ushın puxaralarǵa subsidiya tólew tártibi haqqında
Ózbekstan Respublikası Prezidentiniń «Ipoteka krediti mexanizmlerin jetilistiriwge baylanıslı qosımsha is-ilajlar haqqında»ǵı PP-5886-sanlı Pármanı menen ayirım shaxslarǵa, sonıń ishinde, dáramatı joqarı bolmaǵan hám úy-jay sharayatların jaqsılawǵa mútáj bolǵanlarǵa ipoteka krediti boyınsha dáslepki tólem hám payızlardıń bir bólegin qaplaw ushın Ózbekstan Respublikası mámleketlik byudjet qarjıları esabınan subsidiyalar tóleniwi belgilep berilgen.
Bul pármannıń orınlanıwın támiynlew maqsetinde Ózbekstan Respublikası Ministrler Kabinetiniń 2020-jıl 25-mart kúngi «Úy-jay satıp alıw yaki jekke tártiptegi úy-jaylardı qurıw hám rekonstrukciya qılıw ushın puxaralarǵa subsidiya tólew tártibi haqqındaǵı rejeni tastıyıqlaw haqqında»ǵı 182-sanlı qararı qabıl etilgen.
Bul reje Ózbekstan Respublikası Prezidentiniń «Ipoteka krediti mexanizmlerin jetilistiriwge baylanıslı qosımsha is-ilajlar haqqında»ǵı 2019-jıl 28-noyabr kúngi PP-5886-sanlı Pármanı tiykarında bazar múnásibetlerine tiykarlanǵan ipoteka kreditleri arqalı xalıqtı úy-jay menen támiynlewdiń jańa tártibi kóleminde kóp kvartiralı úy-jaylardaǵı kvartiralardı satıp alıw ushın ipoteka krediti boyınsha baslanǵısh tólem hám payızlardıń bir bólimin;
Ózbekstan Respublikası Prezidentiniń «Bazar principlerine tiykarlanǵan ipoteka kreditlerin ajıratıw arqalı úy-jay menen támiynlewge baylanıslı qosımsha is-ilájlar haqqında»ǵı 2021-jıl 11-март kúngi PP-6186-сaн Pármanı tiykarında jekke tártiptegi úy-jaylarǵa ajıratılǵan ipoteka kreditleri boyınsha payızlardıń bir bólimin qaplaw ushın Ózbekstan Respublikası Mámleketlik byudjeti qarjıları esabına usınılatuǵın Ózbekstan Respublikası puqaraların, atap aytqanda, dáramatı joqarı bolmaǵan hám úy-jay sharayatların jaqsılawǵa mútáj bolǵan puxaralardı anıqlaw kriteriyaları, subsidiyalardı esaplaw hám tólew tártibin belgileydi.
Xalıqtı sociyallıq qollap-quwatlaw arqalı dáramatı joqarı bolmaǵan hámde úy-jay sharayatların jaqsılawǵa mútáj bolǵan shańaraqlar, awır sociyallıq jaǵdayǵa túsip qalǵan hayal-qızlar, mámleketimizdiń sociyallıq turmısnda belsendilik kórsetip kiyatırǵan jaslar hám usı taypadaǵı basqa xalıq qatlamlarına kómeklesiw hám úy-jay sharayatların jaqsılawǵa mútáj bolǵan shańaraqlardı mámleket tárepinen qollap-quwatlawda mánzillilik hám ashıqlıqtı támiynlew maqsetinde tastıyıqlanǵan bul Reje tómendegilerdi óz ishine aladı:
úy-jay satıp alıwǵa ipoteka kreditiniń baslanǵısh tólem hám (yaki) payızlarınıń bir bólimin Ózbekstan Respublikası Mámleketlik byudjet qarjıları esabınan qaplap beriw;
jekke tártiptegi úy-jaylarǵa ajıratılǵan ipoteka kreditleri boyınsha payızlardıń bir bólimin Ózbekstan Respublikası Mámleketlik byudjet qarjıları esabınan qaplap beriw;
úy-jay sharayatların jaqsılawǵa mútáj bolǵan puqaralar tárepinen subsidiya alıw ushın arza beriw, arza beriwshini sociyallıq kriteriyalar boyınsha bahalaw;
rayon (qala)da úy-jay satıp alıw ushın subsidiya tólenetuǵın talapkerlerdi tańlaw boyinsha komissiyalar jumısların shólkemlestiriw hám sociyallıq kriteriyalar boyınsha bahalaw nátiyjelerin kórip shıǵıw;
satıp alınatuǵın úy-jaylardı anıqlaw, ajıratılatuǵın ipoteka krediti boinsha subsidiyanı esaplaw, ipoteka kreditin rásmiylestiriw hám subsidiyalardı tólep beriw tártibi.
Rejede Mámleketlik xızmetler agentliginiń aymaqlıq bólimleri hám birden-bir interaktiv mámleketlik xızmetleri portalı arqalı úy-jay satıp alıw ushın subsidiya tólenetuǵın shaxslardı tańlaw barısında kórsetiletuǵın xızmetleri;
tiyisli shólkemler tárepinen úy-jay satıp alıw ushın subsidiya tólenetuǵın shaxslardı tańlawda paydalanılatuǵın maǵlıwmatlar (hújjetler) jeńillik tárizinde tólemlersiz ámelge asırılıwı;
hár jılı mámleketlik byudjetinen qalalıq hám awıllıq jerlerde qurılǵan kóp qabatlı úylerden birlemshi bazarda kvartiralar satıp alıwda ipoteka kreditleri boyinsha baslanǵısh tólem hám (yaki) payız qarajetleriniń bir bólimin qaplaw maqsetinde ajıratılatuǵın subsidiyalar tiyisli finans jılı ushın tastıyıqlanatuǵın parametrler kóleminde ámelge asırılıwı belgilengen.
Úy-jay satıp alıw yaki jekke tártiptegi úy-jaylardı qurıw hám rekonstrukciya qılıw ushın puxaralarǵa ajıratılatuǵın subsidiya bul - dárámatı joqarı bolmaǵan shaxslarǵa ipoteka kreditleri tiykarında úy-jay satıp alıwları ushın baslanǵısh tólem yaki kredit payız tólewleriniń bir bólimin tólep beriw yaki jekke tártiptegi úy-jaylardı qurıw hám rekonstrukciya qılıw ushın kredit payızınıń bir bólimin qaplaw maqsetinde Mámleketlik byudjetten puqara ushın bankte onıń atına ashılǵan tiyisli esap betine otkerilgen qarjılar.
Subsidiyalar:
а) úy-jaylar (kvartiralar)dı satıp alıw ushın:
qalalıq hám awıllıq jerlerde — baslanǵısh tólem (badal)niń bir bólimin tólew menen baylanıslı qarajetlerdi qaplaw ushınn úy-jaydıń esaplanǵan qunı-bahasınıń 10 payızı muǵdarında hám birinshi bes jıl dawamında ipoteka krediti boyınsha payız tólewleri menen baylanıslı qarajetlerdi qaplaw ushın— Tashkent qalasında 12 payızlıq punktten asqan bólimine, Qaraqalpaqstan Respublikası hám wálayatlar qalalarında 10 payızlıq punktten asqan bólimine tólenedi.
б) jekke tártiptegi úy-jaylardı qurıw hám rekonstrukciya qılıw ushın ajıratılǵan ipoteka kreditleriniń birinshi bes jıl dawamında payızlardı qaplaw ushın- Qaraqalpaqstan Respublikası hám wálayatlarda 10 payızlıq punktten asqan bólimine tólenedi.
Bul qarjılar tek ǵana úy-jay sharayatın jaqsılawǵa mútáj bolǵan shańaraqlar, awır sociyallıq jaǵdayǵa túsip qalǵan hayal-qızlar, mámlekettiń sociyallıq turmısında belsene qatnasıp kiyatırǵan jaslar hám usı taypadaǵı basqa Ózbekstan puqaralarına ajıratıladı.
Subsidiya alıw ushın puxara 18 jasqa tolǵan bolıwı kerek. Eger puxara miynet migrantı bolsa, onıń atınan shańaraq aǵzaları da arza beriwi múmkin.
Subsidiyalar tek ǵana arza beriwshiniń propiskaǵa otırǵan aymaǵı boyınsha beriledi.
Subsidiya alıw ushın qalegen rayonlıq (qalalıq) Mámleketlik xızmetler oraylarına puqara ózi kelip múrájat etiwi yaki birden-bir interaktiv mámleketlik xızmetler portalı (my.gov.uz) arqalı mámleketlik xızmetten elektron tárizde paydalanıw ushın dizimnen ótedi. Ózi kelip múrájat etkende Mámleketlik xızmetleri orayı xızmetkeri arza beriwshiniń atınan, birden-bir interaktiv mámleketlik xızmetler portalı arqalı múrájat qılınǵanda bolsa arza beriwshiniń ózi usı Rejeniń 5-qosımshasına muwapıq mámleketlik xızmetten paydalanıw ushın anketa-arzanı elektron tárizde toltıradı hám tómendegi hújjetlerdi elektron tárizde qosımsha qıladı yaki maǵlıwmatlardı usınadı.
a) fizikalıq shaxstıń identifikaciya raqamı maǵlıwmatları;
б) shańaraq aǵzalarınıń fizikalıq shaxstıń jeke identifikaciya raqamı maǵlıwmatları hám neke dizimge alınǵanlıǵı gúwalıǵı (tolıq shańaraq hám neke hámde er jetken perzentleri bar bolǵan jaǵdayda) hám (yaki) perzentler tuwılǵanlıǵı haqqındaǵı gúwalıqlar (er jetpegen perzentleri bar bolǵan jaǵdayda) nusqaları;
v) belgilengen tártipte nekeniń biykar qılınǵanlıǵı haqqında uúwalıq yaki nekeniń haqıyqıy emes dep tán alınǵanlıǵı haqqındaǵı sud qararı (neke dizimge alınǵan halatta) yaki shańaraq halatı haqqında puxaralıq halatı aktlerin jazıw organları arxivinen maǵlıwmatnama nusqası (neke dizimge alınbaǵan halatta);
g) turaqlı propiska qılınǵan jerinen kadastr raqamı hám túrine tiyisli maǵlıwmatlar (eger turar jayı turaqlı esapqa alınǵan jeri menen tuwrı kelse);
д) turaqlı propiska qılınǵan jerinen úy dápteriniń yaki kvartiralar boyınsha kartochkanıń (17-шакл) nusqası (eger turar jeri turaqlı esapqa alınǵan jeri menen tuwrı kelse);
e) Arza beriwshi hám birgelikte qarız alıwshılardıń dáramatı hámde uslap qalınǵan dáramat salıqları haqqındaǵı maǵlıwmatnama (qosımsha dáramatlar bolsa salıq deklaraciyası).
Arza beriwshiden usı bántte kórsetilmegen maǵlıwmat hám hújjetlerdi talap qılıw qatań qadaǵan etiledi.
Bunda subsidiya alıw ushın múrajat qılǵan arza beriwshiden «Ijtimoiy himoya yagona reestri» axborot sisteması arqalı alıw múmkin bolǵan hújjetlerdi (maǵlıwmatlardı) talap qılıw qadaǵan etiledi.
Mámleketlik xızmetler orayı hám birden-bir interaktiv mámleketlik xızmetler portalı arqalı kórsetiletuǵın xızmetler arza beriwshilerge tólemlersiz ámelge asırıladı.
Arza beriwshi tárepinen ipoteka kreditleri boyınsha subsidiya alıw ushın arza jıl dawamında tapsırılıwı múmkin.
Arza beriwshi rayon (qala) Mámleketlik xızmetler orayı yaki birden-bir interaktiv mámleketlik xızmetler portalı arqalı usınılatuǵın hújjetler hám olarda maǵlıwmatlardıń isenimliligi hám haqqanıylıǵı ushın juwap beredi.
Arza beriwshi birden-bir interaktiv mámleketlik xızmetler portalı arqalı múrájat etilgen jaǵdayda, arza beriwshi anketa-arzaǵa tiykar bolıwshı maǵlıwmatlardı ózi kirgizedi.
Qalalıq hám awıllıq jerlerde qurılǵan birlemshi bazardaǵı kvartiralardı satıp alıwǵa yaki jekke tártiptegi úy-jaylardı qurıw hám rekonstrukciya qılıwǵa ajıratılǵan ipoteka kreditleri boyınsha talapkerlerdi komissiya hám juwapker shólkemler tárepinen nızamlılıq, ashıqlıq, ádalat hám haqqanıylıq principleri tiykarında ámelge asırıladı.
Komissiya arzalardı náwbet tiykarında olardıń dizimge alınıwı izbe-izligine muwapıq kórip shıǵadı.
Komissiya talapkerlerdi anıqlaw boyınsha usınılǵan hújjetlerdi, juwapker shólkemlerdiń bahalaw nátiyjelerin alǵan kúnnen baslap 7 jumıs kúni ishinde usı Reje talaplarına muwapıqlıǵın úyrenip shıǵadı.
Komissiya usınılǵan hújjetler hám maǵlıwmatlar tiykarında hámde sociyallıq kriteriyalar boyınsha bahalaw nátiyjelerine bola arza beriwshige ipoteka kreditleri boyınsha subsidiya beriw yaki beriwden bas tartıw boyınsha qarar qabıl qıladı.
Kórip shıǵıw juwmaqları boyınsha komissiya jıynalısınıń bayanlaması rásmiylestirilip, subsidiya beriw yaki beriwden bas tartıw haqqındaǵı komissiyanıń QR-код (matrik shtrixlı kod) qoyılǵan qararı qabıl qılınadı hám tiyisli rayon (qala) Mámleketlik xızmetleri orayına xabarnama jiberiledi. Usı xabarnama Mámleketlik xızmetleri orayı tárepinen bir jumıs kúninde arza beriwshige jiberiledi.
Sociyallıq kriteriyalar tiykarında bahalanǵan arza beriwshi 30 hám onnan joqarı ball toplaǵan jaǵdayda, talapker sıpatında tán alınıp, kvartira satıp alıw yaki jekke tártiptegi úy-jaylardı qurıw hám rekonstrukciya qılıw ushın ipoteka krediti boyınsha subsidiya alıwǵa haqılı dep esaplanadı.
Mámleketlik xızmetleri orayınan subsidiya beriw haqqındaǵı unamlı xabarnamanı alǵan talapker úy-jayda ipoteka krediti arqalı satıp alıw boyınsha qurılıs (pudrat) shólkemi menen shártnama dúzedi.
Qatnasıwshı kommerciyalıq banki talapkerdiń hújjetlerin úsh jumıs kúni dawamında úyrenip shıǵadı.
Ipoteka kreditin ajıratıw (qurılǵan hám rekonstrukciya qılınǵan jekke tártiptegi úy-jaylar ushın ajıratılǵan kreditti ipoteka kreditine qayta rásmiylestiriw) maqullanǵan jaǵdayda, kommerciyalıq banki rayon (qala) ginans bólimi menen birgelikte ipoteka krediti boyınsha mámleketlik byudjetten talapkerge ajıratılıwı múmkin bolǵan subsidiya summasın anıqlaydı.
Shımbay rayonlıq Ádillik bólimi
YXKO bas yurist konsultı Sh.J.Matniyazov