Янгиликлар
20
Nızamshılıqtaǵı jańalıqlar
Húkimet qararı (328-san, 13.06.2022-j.) menen Jergilikli mámleketlik emes kommerciyalıq emes shólkemlerdiń xalıqaralıq grant joybarların ámelge asırıwda mámleketlik basqarıw uyımları menen ózara birge islesiw tártibi haqqındaǵı reje tastıyıqlandı.
Tiykarǵı maqset mámleketlik emes kommerciyalıq emes shólkemlerdiń xalıqaralıq grant joybarların ámelge asırıwda mámleketlik uyımlar tárepinen yuridikalıq hám texnikalıq járdem kórsetiw, joybardı xalıqtıń sociallıq mashqalaların nátiyjeli sheshiwge baǵdarlawda metodikalıq járdem kórsetiwden ibarat.
Rejege muwapıq:
mámleketlik emes kommerciyalıq emes shólkemniń xalıqaralıq grant joybarına tiyisli tarawda wákillikli mámleketlik uyım milliy birge islesiwshi sıpatında qamtıp alınadı;
milliy birge islesiwshi xalıqaralıq grant joybarınıń nátiyjeli ámelge asırılıwın támiyinlew, joybardı ámelge asırıwda payda bolatuǵın mashqalalardı opertaiv sheshiw, joybardıń mazmunınan kelip shıǵıp onı ámelge asırıwda basqa mámleketlik uyımlardı qamtıp alıw hám basqa wazıypalardı orınlaydı;
xalıqaralıq grant joybarın ámelge asırıwda mámleketlik emes kommerciyalıq emes shólkemge mámlekettiń járdemin nátiyjeli shólkemlestiriw maqsetinde mámleketlik emes kommerciyalıq emes shólkem menen kelisken halda “jol kartası” tastıyıqlanadı.
Reje menen mámleketlik uyımlar juwapkershiligine mámleketlik emes kommerciyalıq emes shólkemler menen birge sociallıq birge islesiw múnásibetlerin jánede rawajlandırıw máseleleri júkletildi.