Янгиликлар
08
Diqqat Tańlaw
Kommerciyalıq bankler ushın ájayıp jańalıq.
Endi siz Qaraqalpaqstan Respublikasındaǵı 17 Mámleketlik xızmetler oraylarında óz shaqapshańız iskerligin jolǵa qoyıwıńız múmkin.
Eger bir kúnde oraylarǵa 2000 mıńǵa jaqın puqaralar kelip mámleketlik xızmetlerden paydalanıwın esapqa alsaq, sizde bir kúnde qosımsha ráwishte jáne sonsheli puqaraǵa bank xızmetlerin usınıw imkaniyatı bar.
Sonday-aq, bul banklerde ushırasatuǵın náwbetlerdiń aldın alıwda da eń maqul keletuǵın sheshimlerdiń biri bolıp sanaladı.
Ózbekstan Respublikası Prezidentiniń 2022-jıl 22-aprel kúngi PP–113-sanlı Pármanı hám Ádillik ministriniń 2022-jıl 28-may kúngi 114-um-sanlı buyrıǵına tiykar, tańlaw nátiyjesinde jeńimpaz dep tabılǵan kommerciyalıq banklerdi jáne bir sawǵa kútpekte. Yaǵnıy, shaqapshalardı jaylastırǵan kommerciyalıq bankler 5 jıl dawamında ijara tólemlerinen azat etiledi.
Eger siz óz bankińizdiń shaqapshasın Mámleketlik xızmetler oraylarında jaylastırmaqshı (kommerciyalıq bankler shaqapshaları bolmaǵan oraylarda) bolsańız Qaraqalpaqstan Respublikası Ádillik ministrligine usı jıldıń 20-iyun kúnine shekem (55 101-97-32) múrajat etiń hám tańlawda qatnasıń.
(Mámleketlik xızmetlerden paydalanıwda óndiriletuǵın tólemlerdi Oraylarda jaylasqan kommerciyalıq bankler shaqapshasınan naq yaki naq pulsız kóriniste ámelge asırǵanda eki payızǵa shekem bolǵan kommerciyalıq banktiń komissiya summası ushın óz aldına tólem óndirilmeydi (mámleketlik bajı tólemlerinen tısqarı). Bunda, pul summaların alıwshılardıń hár birine baǵdarlanatuǵın summalar proporcional tárizde kemeytirilgen halda, kommerciyalıq banktiń komissiya tólemi xızmetinen paydalanıw ushın tólenetuǵın tólem esabınan ótkerilip beriledi)
Qolay imkaniyattı qoldan jibermeń hám tańlawda qatnasıń!
Mámleketlik xızmetler oraylarında shaqapshaların jaylastırmaqshı bolǵan kommerciyalıq bankler tómendegi kriteriy boyınsha bahalanadı:
Tiykar: https://lex.uz/docs/5971599