Янгиликлар
25
Sociyallıq napaqalardı tayınlaw tártibi
Sociyallıq napaqalardı tayınlaw tártibi
Búgingi kúnde Ózbekstan Respublikasında bárshe tarawlarda bolǵanı sıyaqlı sociyallıq támiynatta da xalıqqa qolaylıqlar jaratıw, puqaralardın artıqsha áweregershiligine shek qoyıw kún tartibindegi eń zárúr máselege aylanǵan. Bunıń ushın napaqalardı tayınlaw tártibi, tiykarınan avtomatlastırılǵan tárizde orınlanıwı jolǵa qoyıldı.
Sonı ayrıqsha atap ótiw kerek, 2021-jıl 1-sentyabrge shekem tayınlanǵan sociyallıq napaqa hám kem támiynlengen shańaraqlarǵa materiyallıq jardem avtomatlastırılǵan tárizde, kem támiynlengen shańaraqlarǵa materiyallıq járdem kórsetiwdiń jańa tártibine tiykar napaqa muǵdarı asıwı názerde tutılǵan puqaralardan qosımsha arza hám hújjetler talap etpegen halda, kem támiynlengen shańaraqlarǵa balalar napaqasına ótkeriliwi belgilep qoyıldı.
Solar qatarınan, balalar napaqası hám materiyallıq járdem tólemlerin óz waqtında mánzilli hám máqsetli jetip barıwın támiynlew máqsetinde Ózbekstan Respublikası Ministrler Kabinetiniń «Xalıqtı sociyallıq qorǵaw sistemasın jánede jetilistiriw haqqında»ǵı 654-sanlı qararı qabıl qılındı
Nátiyjede, balalar napaqası hám materiyallıq járdem usı qarar menen tastıyıqlanǵan Rejede belgilengen tártipte shańaraq aǵzalarınıń usınıs etken arzalarına tiykar «Birden-bir reestr» AT arqalı kem támiynlengen shanaraq dep tán alınǵannan keyin tayınlanatuǵın boldı. Bunıń ushın, 2022-jıldan baslap- shańaraqtıń hár bir aǵzasına jámi bir aylıq ortasha dáramat minimal tutınıw qárejetleri muǵdarınan aspaǵanda ǵana, kem támiynlengen dep tán alınıwı belgilengen. (Maǵlıwmat ushın: Búgingi kúnde Ózbekstan Respublikasında hár bir shaxs ushın minimal tutınıw qárejetleriniń jańa muǵdarı 498000 swmdı quraydı.)
«Birden-bir reestr» AT arqalı kem támiynlengen dep tán alınǵan shańaraqlar (shaxslar) qosımsha hújjetler hám maǵlıwmatnamaların usınbastan, nızamshılıq hújjetlerinde usı taypadaǵı shańaraqlar (shaxslar)ǵa belgilengen tártipte biypul yaki imtiyazlı shártlerde kórsetiletuǵın sociyallıq xızmetler hám járdemlerden paydalanıwǵa haqlı bolıp esaplanadı.
Bunda nızamshılıq hújjetlerinde belgilengen xızmetlerden paydalanıw hám imtiyazlardı alıw ushın «Birden-bir reestr» AT arqalı kem támiynlengen dep tán alınǵan shańaraq (shaxs)qa Ózbekstan Respublikası Birden–bir interaktiv mámleket xızmetleri portalı arqalı 3 minut ishinde maǵlıwmatnama usınıladı. Bul maǵlıwmatnama shańaraq (shaxs) «Birden-bir reestr» AT arqalı kem támiynlengen dep tán alınǵan aydan baslap on eki ay dawamında ámel etedi.
Eger bir shańaraq sońǵı 12 ay dawamında izbe-izlikte «Birden-bir reestr» AT arqalı bir neshe márte kem tamiynlengen dep tán alınǵan bolsa, bunda maǵlıwmatnamanıń ámel etiw múddeti usı shańaraq aqırǵı márte kem támiynlengen dep tán alınǵan aydan baslanadı.
Shańaraqtı kem támiynlengen shańaraq dep tan alıw hám oǵan balalar napaqası yaki materiyallıq járdemdi tayınlaw yaki tayınlamaw insan aralasıwısız tek ǵana «Birden-bir reestr» AT arqalı avtomatlastırılǵan tárizde ámelge asırıladı.
Shańaraqtıń bir aǵzasına tuwrı keletuǵın bir aylıq ortasha dáramat balalar napaqası yaki materiyallıq járdem alıw ushın múrájat qılınǵan aydan aldıńǵı ayǵa deyin bolǵan aqırǵı úsh ayı ushın esaplap shıǵılǵan bárshe shańaraq aǵzalarınıń dáramatı summasın shańaraq quramına kiritiletuǵın shańaraq aǵzaları sanına hám úshke bóliw arqalı anıqlanadı.
Balalar napaqası yaki materiyallıq járdem alıw ushın shańaraq quramına puqaralıq halatı dálalatnamaların jazıw uyımlarında nekesi dizimge alınǵan erli-zayıplı hám olar menen birge jasaytuǵın hám olardıń qaramaǵında bolǵan balalar sonday-aq, ata-anaları menen birge jasaytuǵın hám óz shańaraǵına iye bolmaǵan 18 jastan úlken balalar kiritiledi.
Balalar napaqası yaki materiyallıq járdem AT xalıq banktıń rayon bólimleri arqalı naq pul formasında yaki pul qarjıları naq pulsız ótkeriw jolı menen puqaralardıń bank esapbetleri arqalı tólenedi.
Tólemniń ótken ayda alınbaǵan balalar napaqası yaki materiyallıq járdem summası tólemniń ámeldegi tólem dizimlerine kiritiledi hámde tayınlanǵan, biraq óz waqtında alınbay qalǵan tólemler ótken dáwirlerde esaplanǵan muǵdarlarda pútkil dáwir ushın, biraq balalar napaqası yaki materiyallıq járdemdi alıw múddeti tamamlanǵannan keyin úsh aydan artıq bolmaǵan múddette bir jola tólenedi ayı.
Taxtakópir rayonı ádillik bólimi
Insan huqıqların qorǵaw hám huqıqtı
qollaw ámeliyatı bas másláhatshisi B.Qaypbergenov