Янгиликлар
23
BILIMLENDIRIW TARAWÍNDAǴÍ REFORMALAR
Bilim beriw tájiriybe hámde kónlikpelerdi juzege keltiriwshı proсes bolıp esaplanadı. Tálim procesinde insan ushın ómirdegi eń kerekli maǵlıwmatlar alınadı hámde tárbiyalanadı. Tálim hám tárbiya procesinde shaxstıń sıpatları dunya qarası qabileti ósedı. Bugun Jańa Ózbekstan ómirinde bárshe tarawlarda ózgerisler ámelge asırılmaqta. Mámleketimiz sońǵı jıllarda bilimlendiriw tarawında bárshe basqıshlarda zamanagoy talaplar tiykarında jańa basqıshqa óttı. Prezidentimiz aytıp ótkenindey «Perzentlerimiz mektepte qánsheli bilimli bolıp shiqsa, joqarı texnologiyalarǵa tiykarlanǵan ekonomika tarawları sonsha tez rawajlanadı, kóplegen sociallıq mashqalalardı sheshiw imkanı tuwıldı. Sonday eken Jańa Ózbekstan astanası mektepten baslanadı desem, men oylayman barlıq xalqımız bul pikirdi qollab-quwatlaydı». Bilimlendiriw tarawında ámelge asırılıp atirǵan jumıslardıń tiykarǵı bólimi albette joqarı bilimlendiriw tarawın jańa basqıshqa alıp ótiwden ibarat. Tiykarınan Jańa Ózbekstanda joqarı bilimlendiriw tarawlarında ámelge asırılıp atırǵan jańa baǵdarların belgilew, erkin pikirliytuǵun joqarı maǵlıwmatlı kadrlar tayarlaw procesi sıpatın jańa basqıshqa kóteriw, Joqarı bilimlendiriw modernizaciya qılıw jańa tálim texnologiyalarına tiykarlanǵan halda socialıq taraw hám ekanomika tarawların rawajlandırıw maqsetinde mámlektimiz basshısınıń 2019-jıl 8-oktyabrdegi PP-5847-sanlı parmanı menen tastıyıqlnǵan Ózbekstan Respublikası Joqarı bilimlendiriw tarawın 2030-jılǵa shekem rawajlandırıw Kontseptsiyasinda jańa wazıpalar belgilenip qoyılǵan. Bul hújjetde intellektual rawajlandırıwdı qáliplestiriw, Hár tárepleme jetik kadrlardı tayarlaw, ilimiy hám innavatsion xizmetin nátiyjeli shólkemlestiriw hám xalıqaralıq sherikliktı bekkemlew maqsetinde pan, bilimlendiriw hám islep shıǵarıw integratsiyası rawajlandırıw siyaqlı waziypalar tiykar qılıp alındı. Professor oqıtıwshılardıń sırt eldegi joqarı bilimlendiriw hámde ilimiy izleniwler alıp barıw bilimin jetlistiriw stajirovka ótewdı táminleytuǵun mexanızımi jaratıldı. Mámleketdi qúdretli milletti joqarı qılatuǵun kúsh bul ilim pán tálim hám tárbiya ekenligi dálil talap qılmas haqıyqat bolıp esaplanadı. Bugingi mámleketimizde alıp barılıp atırǵan jańalanıwlar jaslardıń joqarı bilimlendiriw menen qamrap alıwdı jánede keńeytiriw olardıń bilimli hám tájriybeli etip tárbiyalaw dunya talaplarına mas kadrlardı tayarlawǵa qaratılǵan. Ózbekstan Respublikası Prezidentiniń 2022-jıl 03-fevraldaǵı «Xalıq tálimi tarawın reformalaw boyınsha qosımsha is-ilajlar haqqında»ǵı F-22-biyligi qabıl etildi. Tiykarınan bilimlendiriw tarawında qabıl etilgen eń tiykarǵı hújjetlerdiń biri « bilimlendiriw haqqındaǵı» nızamnıń jańa redakciyada qabıl etiliwı. Usı nızamǵa tiykar bilimlendiriw tarawındaǵı tiykarǵı pirinsipler bilimlendiriw tarawınıń túrleri hám formaları anıq belgilep qoyıldı. Sonday-aq nızamǵa kóre mámleket joqarı bilimlendiriw orta arnawlı professional bilimlendiriw mákemelerinde olardıń filialları sonday aq mámleket quramındaǵı joqarı, orta-arnawlı, professional bilimlendiriw mekemeleri hám olardıń filialları Prezident yaki Hukumet qararaları menen shólkemlestiriletuǵun boldı. 1997-jıl 29-avgustaǵı «bilimlendiriw haqqında»ǵı hám «Kadrlar tayarlawdıń milliy dásturi haqqında»ǵı nızamı óz kúshin joǵalttı. Ámelge asırılıp atırǵan reformalar eń daslep Mektepke shekemgi bilimlendiriw shólkemlerden baslanıwı globallasıw procesinde balalar tárbyasında eń tiykarǵı buwın esaplanǵan mektepke shekemgi bilimlendiriw shólkemleriniń jámiyetimizde ulken ahmiyetke iye. Bugingi kúnde eń ulken qalalarımızdan baslap eń shetki rayonlar hám awıllarımızda jańadan-jańa zamanagóy Mektepke shekemgi bilimlendiriw shólkemleri boy tikledi. Qısqa waqıt ishnde baqshalarimiz sanı 3 ese astı. Baqsha jasındaǵı balardı qamrap alıw dárejesi bir qansha alǵa ilgerledi. Ózbekstandı 2030-jılǵa shekem global innovatsion indeks reytińginde dunyanıń 50 jetekshı mámleketler qatarına kiritiw boyınsha úlken maqsetke erisiwde insan kapitalın rawajlandırıwǵa qaratılǵan strategik reje jariyalandı. Juwmaqlap sonı aytip ótpekshimen tálim hár bir jámiyettiń ajralmas bólegi, mádeniyatı hám rawajlanıwdıń tiykarǵı kórsetkishleri. Hár qanday mámleket keleshekke rejeler dúzer eken eń daslep bilimlendiriwge bolǵan itibardı kushiytiriwı kerek dep oylayman.
Taxtakópi rayonı Yurudukalıq xizmet
kórsetiw orayı basyuriskonsultı J.Pirnazarov