Янгиликлар
21
bir múrájat izinen
Xojeli rayonı ádillik bólimine rayonlıq Xalıq bilimlendiriw bólimine qaraslı orta bilim beriw mekteplerinde kitapxanashı bolıp islewshi puqaralar N.K, G.M, Z.S, G.S, R.A, F.O hám S.K.lar múrájat etip ústeme pulları is beriwshi tárepinen tólenbey atırǵanlıǵınan narazı bolıp múrájat etken.
Múrájatlardı úyreniw dawamında haqıyqatında da joqarda atı kórsetilgen xızmetkerlerge Ózbekstan Respublikası Ministrler Kabinetiniń 1994-jıl 29-sentyabrdegi 490-sanlı qararı menen tastıyıqlanǵan “Xalıq bilimlendiriw mákemeleriniń qosımsha haqı tólenetuǵın xızmetkerleriniń lawazımları dizimi, qosımsha haqınıń túrleri hám muǵdarlarinıń 23-bántine muwapıq mektepler, barlıq túrdegi hám atamadaǵı mektep-internatları, orta arnawlı hám kásip óner — texnika oqıw orınları kitapxanashılarına yamasa basqa xızmetkerlerge sabaqlıqlardıń kitapxana fondı menen shuǵıllanǵanlıqları ushın miynetke haqı tólewdiń eń kem muǵdarınıń 3,6 payızı muǵdarında, keyingi hár bir 1500 nusqa sabaqlıqlar ushın 5 payız, biraq miynetke aqsha tólewdiń eń kem muǵdarınıń 10,6 payız muǵdarınan kóp bolmaǵan qosımsha haqı tóleniwi kórsetilgenligine qaramastan úyreniw kúnine shekem ústeme pulları tólenbesten kelgenligi anıqlandı.
Joqardaǵılarǵa tiykar ádillik bólimi tárepinen Nókis rayonlararalıq puqaralıq isleri boyınsha sudına arza kiritilip, 7 xızmetkerge jámi 17,7 mln sum ústeme pulların óndiriw boyınsha sud buyrıǵı shıǵarılıp, múrájatlar tolıq qanaatlantırıldı.
A.K.Shabatov,
Xojeli rayonı ádillik bólimi baslıǵı