Янгиликлар
17
iskerlik
Jámiyetimizde nızam ústinligin támiyinlew hám huqıqbuzarlıqlardiń aldın alıw búgingi kúnniń áhámiyetli máselesi bolıp qalmaqta.
“Xalıq mámleketlik uyımlarǵa emes, mámleketlik uyımlar xalıqımızǵa xızmet qılıwı kerek” Prezidentimiz tárepinen ilgeri súrilgen hám bugin ómirimizden barǵan sayın tereń orın alıp atırǵan usı pirinsip xalqımızdıń ómirinen razı bolıp jasawına sharayat jaratılmaqta. Búgin mámleketlik mákeme hám shólkemleri tárepinen bul iygilikli baslamanı tolıq ámelge asırıw boyınsha zárúrli ilajlar ámelge asırılıp atır. Sonıń ishinde Ózbekstan Respublikası Prezidentiniń 2021-jıl 29-iyun kúngi «Mámleketlik uyımları hám shólkemlerine yuridikalıq xızmet kórsetiwdi jánede jetilistiriw is-ilájları haqqında»ǵı PQ-5168-sanlı Qararı qabıl etildi. Qararǵa tiykar 2021-jıl 01-oktyabrden baslap Qaraqalpaqstan Respublikası hám basqa wálayatlarda sonıń menen birge Taxtakópir rayonında da Yuridikalıq xızmet kórsetiw orayı shólkemlestirildi. Bul baǵdarda, yuridikalıq xızmet kórsetiletuǵın mámleketlik mákemeleriniń oraylarǵa jiberiletuǵın hújjet joybarların huqıqıy ekspertizadan ótkeriw hám qabıllaw processlerin elektron formaǵa ótkeriwshi “E-huquqshunos” elektron sisteması jaratıldı hám is júritiw tolıq elektronlastırılıp, byurokratiyalıq tosıqlar qaǵazbozlıq saplastırıldı.
Mámleketimizdiń barlıq rayon hám qalalarında Ádillik ministrligi sistemasında yuridikalıq xızmet kórsetiw orayları iskerliginiń jolǵa qoyılıwı óziniń unamlı nátiyjesin kórsetip atır. Bul baǵdar boyınsha Ózbekstan Respublikası Prezidentiniń 2022-jıl 18-mart kúngi “Yuridikalıq xızmet kórsetiw orayları iskerligin jánede keńeytiriw boyınsha qosımsha shara-ilajlar haqqında”ǵı
PQ-173-sanlı Qararı qabıl etildi. Qarar boyınsha 2022-jıl 1-avgusttan baslap basqıshpa-basqısh Oraylar tárepinen respublikanıń barlıq rayon hám qalalarında yuridikalıq xızmet penen támiyinlenbegen mámleketlik shólkemleri hám mákemeler yaǵnıy;
Máhelle hám qarıyalardı qollap-quwatlaw bólimi;
awıl xojalıǵı bólimi;
turizm hám mádeniy miyraslar bólimi;
sporttı rawajlandırıw bólimi;
shańaraq hám hayal-qızlar bólimi;
mámleketlik salıq inspeksiyasi;
xalıq bandligine kómeklesiw orayı ;
mámleketlik ulıwma orta bilim beriw mektepleri;
mámleketlik mektepge shekem tálim shólkemleri;
mámleketlik kóp tarmaqlı oraylıq hám shańaraqlıq poliklinikalarna yuridik xızmet kórsetiwi belgilengen.
Yuridikalıq xızmet kórsetiw orayınıń tiykarǵı wazıypaları mámleketlik organlar hám shólkemler xızmetin huqıqıy jaqtan támiyinlew, xızmetkerlerdiń huqıqıy sawatqanlıǵın hám huqıqıy mádeniyatın asırıw, sıpatlı hám qanigeli huqıqıy járdem kórsetiw, mámleketlik shólkemler tárepinen qabıl etilip atırǵan hújjetleriniń nızamlı hámde hár tárepleme puxta hám sıpatlı bolıwın támiyinlewden ibarat.
Taxtakópir rayonı ádillik bólimi yuridikalıq xızmet kórsetiw orayı tárepinen 2022-jıl yanvar ayınan baslap usı kúnge deyin Yuridikalıq xızmet kórsetiw orayına «E-huquqshunos» elektron sisteması arqalı 2191 huqıqıy normativ hújjetler qabıl etilip huqıqıy ekspertizadan ótkerilip juwmaqları berildi, sonnan 1374 buyrıq, 812 shártnamalar huqıqıy ekspertizadan ótkerildı.
Búgingi kúnde mámleketmizdin hár túrlı tarawlarınıń rawajlandıwı ushın, xalqımızdıń tınısh ómir súriwi hám olardıń turmıs sharayatların jaqsılaw ushın qabıl etilip atırǵan nızamlar, párman, qararlardıń mazmun hám mánisin, olardıń turmısta durıs qollanılıwın, sonday-aq xalqımızdıń huqıqıy sawatqanlıǵı, huqıqıy mádeniyatı, huqıqıy oy órisin asırıw maqsetinde de úgit-násiyat jumısları alıp barılıp atır.
Taxtakópir rayonı ádillik bólimi yuridikalıq xızmet kórsetiw orayı bas yuristkonsulti T.Tleubaev