Янгиликлар
17
Ádillik aralasıwı menen pullı kompensaciya tólep berildi.
Qaraqalpaqstan Respublikası, Bozataw rayonı Mámleketlik toǵay xojalıǵında islegen puqara O.K 2021-jıl 2-aprel kúninen hám 2022-jıldıń 6-aprel kúnine shekem islegen miynet dáwirlerine paydalanılmay qalǵan miynet dem alısı ushın 964 897 (toǵız júz alpıs tórt mıń segiz júz toqsan jeti) swm pullı kompensaciya tólemlerin óndirip beriwde ámeliy járdem sorap Bozataw rayonı ádillik bólimine arza menen múráját etken.
Ádillik bólimi xızmetkerleri tárepinen arzalardı moinitoring jolı menen úyrenilgende haqıyqatında da arza iyesi haq ekenligi anıqlanǵan. Úyreniw nátiyjesinde, Ózbekstan Respublikası Miynet kodeksiniń 151-statyasında “Miynet shartnaması biykar etilgende xızmetkerge paydalanılmay qalǵan barlıq jıllıq tiykarǵı hám qosımsha miynet dem alısları ushın pullı kompensaciya tólenedi” dep belgilengen.
Sonday-aq, usı kodekstiń 154-statyasında “Jumıs beriwshi óziniń qarjı jaǵdayınıń qanday bolıwına qaramastan, xızmetkerge orınlaǵan jumısı ushın haqını belgilengen miynet haqı shártlerine muwapıq hám usı kodekstiń 161-statyasında miynetke haqı tólew múddetlerinde jámáátlik shartnaması yamasa basqa lokal normativ hújjette belgileniwinen kelip shıǵıp tóleniwi belgilengen.
Joqarıdaǵılarǵa tiykar bólim tárepinen Bozataw rayonı Mámleketlik toǵay xojalıǵına orınlanıwı májbúriy túske iye Usınıs kirtilgen.
Kirtilgen Usınıs nátiyjesinde puqara O.Kǵa 2021-jıl 2-aprel kúninen hám 2022-jıldıń 6-aprel kúnine shekem islegen miynet dáwirleri hám paydalanılmay qalǵan miynet dem alısı ushın 964 897 (toǵız júz alpıs tórt mıń segiz júz toqsan jeti) swm pullı kompensaciya tólemleri óndirilip berildi.