Янгиликлар
07
Nızamshılıqtaǵı jańalıqlar
Nızamshılıqtaǵı_jańalıqlar
Awıl xojalıǵına mólsherlengen jerlerdi ijaraǵa beriw ápiwayılastırıldı
Húkimet qararı (237-san, 06.05.2022-j.) menen “Awıl xojalıǵına mólsherlengen jer uchastkaların ijaraǵa beriw tártibine baylanıslı normativ-huqıqıy hújjetlerdi tastıyıqlaw haqqında”ǵı qararǵa ózgeris hám qosımshalar kirgizildi.
Oǵan kóre, wálayat hákimlikleri Awıl xojalıǵı ministrligi menen qayta tańlawda da jeńimpaz anıqlanbaǵan jerler boyınsha onıń maydanı, qánigeligin ózgertirip talap joqarı bolǵan basqa baǵdarlarǵa ashıq tańlaw ótkeredi.
Puqaralardan jerdi tańlawǵa shıǵarıw boyınsha usınıslardı kórip shıǵıw ushın 3 jumıs kúninde usınıs túsken jerdi úyrenedi. Aldın 5 jumıs kúninde edi.
Sonday-aq, tańlawǵa shıǵarıw ushın mólsherlengen jerdi wákillikli uyımlar menen kelisiw múddeti de 5 kúnnen 3 kúnge qısqartırıldı.
Tańlawǵa shıǵarılǵan jerdi almaqshı bolǵan talapkerler 2022-jıl 1-marttan keyin sırt elden kelgen miynet migrantları bolsa, BEMnıń 1 esessi (270 mıń sum) muǵdarındaǵı zakalat pulın tólewden azat etiledi. Aldın usı jeńillik tek ǵana sociallıq dápterlerge kirgizilgenlerge qarata qollanılǵan.