Янгиликлар
28
Nızamshılıqtaǵı jańalıqlar
2022-jıl 1-maydan
Sırt elde islep atırǵan puqaralar hám olardıń shańaraq aǵzalarına materiallıq járdem beriledi.
Nızamshılıqqa kóre, hár jılı hákim járdemshileriniń jazba usınısına tiykar:
-baǵıwshısı sırt elge miynet migraciyasına shıǵıp ketken hám “Sociallıq qorǵaw birden-bir reestri” málimleme sistemasında dizimde bolǵan shańaraqlarǵa BEMnıń 2 esesi (540 mıń sum) muǵdarında bir mártelik materiallıq járdem kórsetiledi;
-miynet migraciyasına shıǵıp ketken puqaralardıń “Sociallıq qorǵaw birden-bir reestri” mámlimleme sistemasında dizimde bolǵan yamasa “Temir dápter”, “Hayallar dápteri” hám “Jaslar dápteri”nen birewine kirgizilgen, mayıplıǵı bolǵan shańaraq aǵzalarına dári-dármaq, mayıplıq arbashaları, esitiw apparatları hám ortepediyalıq ónimler satıp alıw ushın BEMnıń 5 esesi (1 mln 350 mıń sum) muǵdarında bir mártelik materiallıq járdem kórsetiledi.
-miynet migraciyasına shıǵıp ketgen puqaralardıń Ózbekstanda olar menen birge jasawshı pensiya jasına jetken yamasa I hám II topar mayıplıǵı bolǵan shańaraq aǵzalarına kásiplik awqamları sistemasındaǵı sanatoriy hám profilaktikalıq emleniw mákemelerine bir mártelik biypul jollama beriledi.
Sonday-aq, mahállelerdegi jaslar jetekshileriniń jazba usınısına tiykar “Sociallıq qorǵaw birden-bir reestri” málimleme sistemasında dizimde bolǵan yamasa “dápterler” birewine kirgizilgen hámde miynet migraciyasına shıǵıp ketgen puqaralardıń balalarına máwsimlik jumıs isleytuǵın dem alıw orınlarına biypul jollamalar beriledi.