Янгиликлар
07
Puqaralardıń ózin-ózi basqarıw puqaralardıń jergilikli áhmiyetke iye máselelerdi óz máplerinen, rawajlanıwdıń tariyxiy ózgesheliklerinen, sonday-aq milliy hám mánáwiy qádiriyatlarınan, jergilikli úrp-ádetler hám dástúrlerden kelip shıqqan halda sheshiw b
Puqaralar jıyını baslıǵı (aqsaqalı) qanday wákilliklerge iye?
Puqaralardıń ózin-ózi basqarıw puqaralardıń jergilikli áhmiyetke iye máselelerdi óz máplerinen, rawajlanıwdıń tariyxiy ózgesheliklerinen, sonday-aq milliy hám mánáwiy qádiriyatlarınan, jergilikli úrp-ádetler hám dástúrlerden kelip shıqqan halda sheshiw boyınsha Ózbekstan Respublikası Konstituciyası hám nızamları menen kepillenetuǵın ǵárezsiz iskerlik bolıp tabıladı.
Puqaralar jıyını baslıǵı 3 jıl múddetke saylanadı.
Puqaralar jıyını baslıǵı (aqsaqalı) tómendegi wákilliklerge iye:
- puqaralar jıyını (puqaralar wákilleriniń jıynalısı)n shaqıradı;
- puqaralar jıyını hám onıń uyımları tárepinen óz wákilliklerin ámelge asırıwına, sonday-aq qararlardı orınlawǵa baylanıslı jumıslardı shólkemlestiredi;
- mámleketlik uyımlarda, sonıń ishinde sudta, yuridikalıq hám fizikalıq shaxslar menen qatnasıqlarda puqaralar jıyınınıń máplerin sáwlelendiredi, puqaralar jıyını tárepinen shártnamalar, sonıń ishinde miynet shártnamaların dúzedi;
-tiyisli aymaqta másláhát orayları jumısların shólkemlestiredi;
- iyesiz mal-múlkti, miyras retinde puqaralardıń ózin-ózi basqarıw uyımına ótken mal-múlkti, sonday-aq emlew mákemelerinde turǵanlıǵı múnásibeti menen waqtınsha bolmaǵan jalǵız shaxslardıń mal-múlkin, qánigelestirilgen oqıw-tárbiya mákemelerinde yamasa qáwenderlik hám ámengerlikte turǵan, shańaraqqa tapsırılǵan jetim balalardıń, ata-anasınıń qaramaǵınan ayırılǵan balalardıń mal-múlkin saqlaw boyınsha ilajlardı kóredi;
- spirtli ishimlikler, náshebentlik ónimler hám psixotrop zatlardı tutınıw nátiyjesinde puqaranı qatnasıq uqıplıǵı sheklengen dep tabıw haqqında yamasa puqaranı ruwxıy halatı buzılǵanlıǵı (ruwxıy keselligi yamasa aqılı kemisligi) sebepli qatnasıq uqıplılıǵına iye emes dep tabıw haqqında sudqa arza beredi;
- kem támiyinlengen shańaraqlardıń, jetim balalardıń, ata-anasınıń qaramaǵınan ayırılǵan balalardıń, sonday-aq tábiyiy apatlardan hám texnogen qásiyetli ayrıqsha jaǵdaylardan jábir kórgen puqaralardıń materiallıq hám úy-jay, turmıslıq sharayatların jaqsılaw haqqındaǵı tiyisli mámleketlik uyımlarǵa usınıslar kirgizedi;
-jergilikli mámleketlik hákimiyatı uyımlarına jańa jerlew orınların qurıw hám bar bolǵanların rekonstrukciya qılıw haqqında usınıslar beredi;
- erjetpegenlerdiń huqıqların qorǵaw boyınsha jámiyetshilik jumısların shólkemlestiredi, jetim balalar, ata-anasınıń qaramaǵınan ayrılǵan balalar haqqındaǵı maǵlıwmatlardı qáwenderlik hám ámengerlik uyımlarına usınadı, sonday-aq bunday balalardı tiyisli mámleketlik uyımlarına usınadı, sonday-aq bunday balalardı tiyisli mámleketlik mákemelerine jaylastırıwǵa kómeklesedi;
-tiyisli aymaqta bayram kúnleri hám áhmiyetli sáneler menen baylanıslı ǵalabalıq ilajlar ótkeriliwin támiyinleydi;
- puqaralardı qabıl etiwdi ámelge asıradı, olardıń arzaları, usınısları hám shaǵımların kórip shıǵadı;
-puqaralardıń ózin-ózi basqarıw uyımlarınıń hám olardıń lawazımlı shaxslarınıń óz wákillikleri sheńberinde qabıl etken qararların orınlamaǵanlıǵı yamasa lazım dárejede orınlamaǵanlıǵı ushın lawazımlı shaxslardı juwapkershilikke tartıw haqqında nızamda belgilengen tártipte tiyisli mámleketlik uyımlarına hám basqa kárxanalar, mákemeler hámde shólkemlerge usınıslar kirgizedi;
-tiyisli mámleketlik uyımlardan qorǵalatuǵın tábiyiy aymaqlar, materiallıq mádeniy miyras obektleri haqqındaǵı maǵlıwmatlardı soraydı hámde aladı.
-* Puqaralar jıyını baslıǵı (aqsaqalı) belgilengen tártipte ólimdi dizimge alıwı múmkin.
Puqaralar jıynınıń baslıǵı (aqsaqalı) xat-xabarlardı, sonıń ishinde pul hám posilkalardı alıwǵa, is haqın hámde miynet múnásibetleri menen baylanıslı bolǵan basqa tólemlerdi alıwǵa, avtorlar hám oylap tabıwshılarǵa tólenetuǵın haqılardı, pensiyalar, napaqalar hám stipendiyalardı, sonday-aq banklardan summalardı alıwǵa isenimxatlardı belgilengen tártipte tastıyıqlawı múmkin.