Янгиликлар
26
Nızamshılıqtaǵı jańalıqlar
Avtorlıq huqıqın buzıp atırǵan saytlardıń reestri júritiledi
“Intellektual múlk tarawın jánede rawajlandırıwǵa baylanıslı qosımsha ilajlar haqqında”ǵı Prezident qararı (PQ–221-san, 26.04.2022-j.) qabıl etildi.
Qararǵa kóre, mámleketlik bajıxana komiteti Intellektual múlk obektleriniń bajıxana reestrine (Reestr) kirgizilgen tovar belgileri boyınsha nızamshılıq talapları buzılıwı haqqında xabar beredi.
Intellektual múlk huqıqların qorǵaw boyınsha texnikalıq tárepten tártipke salıw hám tarawdaǵı nızamshılıq talaplarına qatań ámel etiliwi Texnikalıq tárepten tártipke salıw agentligi hám Farmacevtika tarmaǵın rawajlandırıw agentligi tárepinen ámelge asırıladı.
2022-jıl 1-avgusttan tómendegi tekseriw hám úyreniwler Ádillik ministrliginiń “Sanaat múlki qorǵaw portalı”nan paydalanǵan halda ámelge asırıladı:
▫️sertifikaciyalaw uyımları tárepinen sertifikatlastırıw processindegi qollanılǵan atama, qadaqlar hám basqa rekvizitlerde intellektual múlk obektlerine bolǵan huqıqlardı úyreniw hám tekseriw;
▫️Farmacevtika tarmaǵın rawajlandırıw agentligi tárepinen dáriler, medicina buyımları diziminen ótkeriwde intellektual múlk obektlerine bolǵan huqıqlarına ámel etilgenligin tekseriw.
2022-jıl 1-iyunǵa shekem sertifikaciyalaw menen shuǵıllanıwshı barshe uyımlar “Sanaat múlki qorǵawı portalı”na biypul jalǵanıw múmkin.
2022-jıl 1-sentyabrden “Bir ayna” bajıxana sisteması arqalı intellektual múlk obektlerin Reestrge kirgiziw haqqındaǵı arzalardı elektron jiberiw hám arza jaǵdayın onlayn kórip barıw hámde nátiyjesi boyınsha arza iyelerin xabardar etiw tártibi jolǵa qoyıladı.
2023-jıl 1-yanvarǵa shekem intellektual múlk obektleriniń aukcion sawdasın ótkeretuǵın “Intellektual múlk – bárshe ushın” arnawlı internet-aukcion sawda platforması islep shıǵıladı.
2022-jıl 1-oktyabrge shekem Internette avtorlıq huqıqı hám túrles huqıqlardı buzǵan veb-saytlar haqqındaǵı maǵlıwmatlardı óz ishine alıwshı “Avtorlıq hám túrles huqıqlar tarawındaǵı nızam buzıwshılar reestri” xabar sisteması iske túsiriledi.
Qarar menen 2022–2026-jıllarda Ózbekstan Respublikasında intellektual múlk tarawın rawajlandırıw strategiyası tastıyıqlandı.