Янгиликлар
29
Kredit shártnamasın dúziwde nelerge áhmiyet beriw kerek
Kredit shártnamasın dúziwde nelerge áhmiyet beriw kerek
Kredit shártnaması boyınsha bir tárep-bank yamasa basqa kredit shólkemi (qarız beriwshi) shártnamada názerde tutılǵan muǵdar hám shártler boyınsha basqa tárepke (qarız alıwshıǵa) pul (kredit) beriwdi hám qarız alıwshı alınǵan pul muǵdarın qaytarıw hám oǵan procentler tólew minnetlemesin aladı.
Kredit shártnamasınıń ulıwma shártleri normativ-huqıqıy hújjetler menen tártiplestiriledi hám tiykarǵı bólimlerdiń qosımsha bántleri pitim qatnasıwshılarınıń qálewine kóre dúziliwi múmkin.
Kredit bank tárepinen qarız alıwshınıń islep shıǵarıw iskerligi, onıń finanslıq jaǵdayı, tólew qábileti, qarız alıwshı tárepinen usınıs etilgen minnetlemelerdiń atqarılıwın támiyinlew usılları, onıń mal-múlkiniń dúzilisi, kredittiń qaysı maqsette alınǵanlıǵı, hár tárepleme analiz etilgennen keyin beriledi.
Kredit beriw haqqında qarar qabıllawda eń zárúrli shártlerden biri qarız alıwshınıń shólkemlestiriw hám basqa hújjetlerin huqıqıy ekspertizadan ótkeriw bolıp tabıladı.
Bunday ekspertizadan maqset qarız alıwshınıń hám pitimniń basqa qatnasıwshılarınıń (girewge alıwshılar, kepiller) huqıqıy uqıbın anıqlaw, qarız alıwshı wákilleriniń hám pitimniń basqa qatnasıwshılarınıń tiyisli shártnamalar dúziw wákilliklerin tekseriw hámde kredit hám támiynat operatsiyalarınıń nızam hújjetlerine muwapıqlıǵın analiz qılıw bolıp esaplanadi.
Jánede kredit shártnamasın dúziwde kredit shártnamasınıń barlıq shártlerin ulıwma hám individualǵa bolıw múmkin. Kreditor hám qarızdar ortasında keyinshelik kelispewshilikler júzege kelmewi ushın kredit shártnamasına kredit qarızın alıw-tólew shártleri hám rejimin xarakteristikalaytuǵın barlıq zárúrli ulıwma hám individual shártler kiritiliwi kerek.
Shártnamanıń ulıwma shártleri: Jazba shártnamaǵa kiritiliwi múmkin bolǵan ulıwma shártler kredit shólkemi tárepinen belgilenetuǵın shártler bolıp tabıladı. Bank qarız alıwshınıń qálewine qaramastan, ulıwma shártlerdi ǵárezsiz túrde belgilewge haqılı.
Shártnamanıń individual shártleri: Pitimniń eki tárepi álleqashannan berli kredit shártnamasınıń individual shártlerin qáliplestiriwde qatnasadı. Sonıń menen birge, banktiń wákillikli wákili qarız alıwshı menen kelisilgen shártler dizimi tómendegi bántlerge tiyisli shártlerdi óz ishine aladı:
Kredit summası, yaǵnıy bank shólkemi tárepinen qarız alıwshıǵa beriletuǵın pul muǵdarı. Kredit muǵdarı yamasa kredit limiti qarız alıwshına beriletuǵın maksimal múmkin bolǵan kredit muǵdarı bolıp tabıladı.
Kredit shártleri. Qaǵıydaǵa kóre, shártnama múddeti kredit shártnaması boyınsha minnetlemelerdi orınlaw múddetinen aspaydı. Kredit múddeti - qarız alıwshı kredit alǵan waqıttan baslap esaplanatuǵın dáwir. Shártnama múddetiniń tamamlanıwı qarızdardıń kredit shólkemi aldındaǵı minnetlemelerin tolıq atqarǵan, yaǵnıy ssudanınń tolıq swmmasın hám kredit boyınsha barlıq procentlerdi tólegen waqıt esaplanadı. Sonın menen birge, nızam shıǵarıwshı qarızdarǵa qarızdı tolıq hám ayrım muǵdarın múddetinen aldın tólew múmkinshiligin támiyinlep, qarız shártnamasında belgilengen múddetten aldın tólew huqıqın támiyinleydi.
Kredit valyutaları, sebebi qarız alıwshıǵa qarız qarjları beriliwi múmkin bolǵan Ózbekstan swmı, hám shet el valyutaları.
Kredit qarjların qaytarıw tártibi hám qarız alıwshı tárepinen qarız qarjların bergen kredit shólkemi paydasına úzliksiz tólemleri muǵdarı.
Qarızdar kredit qarjlarınan paydalanǵanlıq ushın kreditor paydasına tólenetuǵın payızlar muǵdarı. Ádetde, tólew kestesinde payızlar muǵdarın óz ishine alǵan usınıs etilgen tólewlerdiń anıq muǵdarı bar. Solay etip, qarız alıwshı kredit boyınsha tólewlerdi ámelge asırıw menen bir waqıtta payızlardı qaytaradı.
Moynaq rayonı Yuridikalıq
xızmet kórsetiw orayı
bas yuriskonsultı Q.Reymov