Янгиликлар
07
ÓZBEKSTAN RESPUBLIKASÍ PREZIDENTINIŃ «XALÍQTÍŃ HÁM ISBILERMENLIK SUBEKTLERINE MÁMLEKETLIK XÍZMETLERINEN PAYDALANÍWDA JÁNEDE QOLAY SHART-SHARAYATLAR JARATÍW,BUL BOYÍNSHA BYUROKRATIK TOSÍQLARDÍ QÍSQARTÍRÍW BOYÍNSHA QOSÍMSHA IS-ILÁJLAR HAQQÍNDAǴÍ PÁRMANÍ
Sońǵı jıllarda xalıqqa mámleketlik xızmetlerın kórsetiw sisteması engizilip, isbilermenlik ortalıǵın tupten jaqsılaw, artıqsha byurokratik tosqınlıqlardı saplastırıw boyınsha izbe-iz ilajlar ámelge asırılıp atır.Atap aytqanda, ayırım túrdegi licenziya hám ruqsatnamalar biykar etildi, hákimshilik tártip-qaǵiydalardan ótiw múddetleri sezilerli túrde qısqartirildi, puqaralardıń ózin ózi basqarıw uyimları tárepinen beriletuǵın bir Qatar málimlemeler biykar etildi.
Usınıń menen birge, mámleket shólkemleri, jergilikli atqarıwshi shólkemleri hám basqa mámleketlik shólkemlerinde gónergen byurokratik tártipler, sonday-aq, electron sistema arqalı alıw múmkinshiligi ámeldegi bolǵan maǵlıwmatlardı qaǵaz kórinisinde sorap alıw, jumıs iskerligin shólkemlestiriw ushın zárúrli bolmaǵan hújjetlerdi talap qılıw nátiyjesinde xalıq hám isbilermenlik sub'ektlerin áwere qılıw ámeliyatı saqlanıp qalıp atır.
2017 — 2021 jıllarda Ózbekstan Respublikasın rawajlandırıwdıń bes ústin turatuǵın baǵdarı boyınsha Háreketler strategiyasın «Jaslardı qollap-quwatlaw hám xalıq salamatlıǵın bekkemlew jılı»nda ámelge asırıwǵa tiyisli mámleketlik baǵdarlamasında belgilengen wazıypalar atqarılıwın támiyinlew hám mámleket xızmetlerın kórsetiwde byurokratizm hám basqa basqarıw tosqınlıqlardı saplastırıw, gónergen, zaman talaplarına uyqas kelmeytuǵın tártip-dástúrlerdi tupten kemeytiw maqsetinde:
1. 2021-jıl 1-iyunnan baslap sonday tártip ornatilsin, oǵan muwapıq:
Puqaralardıń turaqlı (waqtınsha) dizimnen ótken jayına qaramastan puqaralıq jaǵdayı aktlerın atap kórsetiw, nekeleniwshi shaxslardı medicinalıq kórikten ótkeriw hám shet elge shıǵıw biometric pasportın rásmiylestiriw eksterritorial princip tiykarında ámelge asıriladı;
Notarial háreketlerdi ámelge asırıwda puqaralıq jaǵdayı akt jazıwları menen baylanıslı barlıq maǵlıwmatlar notarial keńseler tárepinen ǵárezsiz túrde, puqaralardan artıqsha maǵlıwmat talap etpesten, «PXAJ janıńdaǵı birden-bir elektron arxivi» informaciya sisteması arqalı alınadı;
Isbilermenlik sub'ekti bolǵan yuridikalıq shaxslarǵa mámleket xızmetlerinen paydalanıw ushın belgilengen jıynaw hám mámleket baji tólewlerın tólewde olardıń wákili tárepinen naq pul formasında tólewdi ámelge asırıwǵa ruqsat beriledi;
shet el kommerciya shólkemlerinıń Ózbekstan Respublikası aymaǵındaǵı wákilxana jumısshısın akkreditaciya qılıwda ol jaǵdayda adamnıń immunitet jetispewshilik virusı keselligi joq ekenligi haqqındaǵı sertifikattı talap qılıw ámeliyatı biykar etiledi;
Mámleketlik xızmetlerı orayları arqalı xızmetlerden paydalanıwda fizikalıq hám yuridikalıq shaxslar tárepinen artıqsha tolengen tólewler, sonıń menen birge, mámleket xızmetın tezlestirilgen tártipte kórsetiw ushın qosımsha tólengen jıynawlar summası (tezlestirilgen tártipte kórsetilmegen táǵdirde) ápiwayılastırılǵan tártipte Mámleketlik xızmetlerı agentliginıń (keyingi orınlarda — Agentlik) byudjetten tısqarı qorı qarjları esabınan bir jumıs kúni ishinde qaytarıladı. Bunda qaytarıp berilgen pullar Agentlik tárepinen tiyisli mámleket shólkemlerinen regress tártibinde óndırıp alınadı;
Mámleketlik xızmetın kórsetiw nátiyjesinde beriletuǵın hújjetler QR-kod (matrik shtrixlı kod ) qoyıw arqalı berilgende olardıń dublikatların beriw tártibi biykar etiledi. Bunda, bul hújjetler electron formada Birden-bir interaktiv mámleket xızmetlerı portal arqalı shegaralanbaǵan muǵdarda biypul alınadı.
2021-jıl 1-iyunnan baslap mámleket shólkemleri, xojalıq birlespeleri, jergilikli atqarıwshi mámleketlik shólkemleri hám mákemeleri tárepinen xalıqtan, sonday-aq, isbilermenlik sub'ektlerinen:
a)Tómendegi faktlardı tastıyıqlaytuǵın hújjetlerdi:
b) ruwxıy kesellikler boyınsha dispanser esabında turıwı yamasa turmawlıǵı;
Narkologiya boyınsha dispanser esabında turıwı yamasa turmawlıǵı;
Sudlanǵanlıǵi yamasa sudlanbaǵanlıǵı;
Mánzilı haqqında maǵlıwmat;
puqaranıń atında jeke turaq-jay barlıǵı yamasa joqlıǵı;
turar jaydıń maydanı;
salıq qarızı barlıǵı yamasa joqlıǵı;
salıq tólewshi fizikalıq shaxslardıń mámleket salıq xızmeti shólkemlerinde esapqa qoyılǵanlıǵı;
pensiya hám pensiya muǵdarı;
pensiya hám pensiya alıwshılar diziminde barlıǵı yamasa joqlıǵı;
neke belgilengenligi, nekede turmawlıǵı yamasa nekeden ajralǵanlıǵı;
b) tómendegi hújjetlerdi:
shaxstı tastıyıqlawshı hújjettıń nusqası;
shaxstıń belgilengen formadaǵı fotosúwretı;
medicinalıq-miynet ekspertlıq komissiyalarınıń málimlemeleri;
Miynet dáptershelerı hám olardıń nusqaları;
Is haqı hám is stajın, joqarı hám orta arnawlı bilimlendiriw shólkeminde oqıytuǵınlıǵınıń tastıyıqlaytuǵın arxiv málimlemeleri;
Kadastr hújjetlerı hám olardıń nusqaların talap qılıw biykar etiledi.
Bunda, mámleketlik uyımları hám shólkemleri fizikalıq shaxslarǵa mámleket xızmetlerin kórsetiwde, jumısqa qabıllaw processinde hám basqa hákimshilik tártip-qaǵiydalardı ámelge asırıwda usı bánte názerde tutılǵan hújjet hám maǵlıwmatlardı bul Pármannıń 1-qosımshasında belgilengen juwapker mámleket shólkemlerinen ǵárezsiz túrde, sonday-aq «Elektron húkimet» sisteması keńseler ara integraciyalasıw platformasi arqalı sorap aladı.
Moynaq rayonı
ádillik bólimi basliǵi A.Dastenov