Янгиликлар
21
Nızamshılıqtaǵı_jańalıqlar
Mayıplıǵı bolǵan shaxslardı jumısqa qabıl etkenlerge subsidiya beriw tártibi belgilendi
Húkimet qararı (203-san, 20.04.2022-j.) menen mayıplıǵı bolǵan shaxslardı jumısqa qabıllaǵan jumıs beriwshilerge Bántlikke kómeklesiw qorı qarjıları esabınan subsidiya beriw tártibi haqqındaǵı reje tastıyıqlandı.Rejege kóre, mayıplıǵı bolǵan shaxslardı jumısqa qabıl etken jumıs beriwshilerge (byudjet shólkemleri, mámleketlik kárxanalar, ustav kapitalında mámleketlik úlesi 50 payız hám onnan joqarı bolǵan yuridikalıq shaxslar buǵan kirmeydi) hár bir xızmetker ushın BEMnıń 1,5 esesi (405 mıń sum) muǵdarında subsidiya beriledi.
Bunda jumıs beriwshi mayıplıǵı bolǵan shaxstı jumısqa qabıl etkennen keyin subsidiya alıw ushın Rayon (qala) xalıq bántligine kómeklesiw orayına kerekli hújjetlerdi qosımsha etken halda múrájat etedi. Rayon (qala) xalıq bántligine kómeklesiw orayı hújjetlerdi 3 jumıs kúni ishinde úyrenip shıǵadı hám úyreniw nátiyjelerine kóre subsidiya ajıratıw (ajıratıwdan bas tartıw) haqqında qarar qabıl etedi.Unamlı qarar qabıl etilgen jaǵdayda, subsidiya hár ay ushın keyingi ayda (6 ay dawamında) jumıs beriwshige tólep beriledi.Hár ay juwmaǵında jumısqa qabıl etilgen mayıplıǵı bolǵan shaxslardıń haqıyqatında da islep atırǵanlıǵı monitoring etip barıladı.