Янгиликлар
21
Nızamshılıqtaǵı_jańalıqlar
Mámleketlik xızmetler kórsetiwdi ápiwayılastırıw, byurokratiyalıq tosıqlardı qısqartırıw hám mámleketlik xızmetlerdi kórsetiw milliy sistemasın rawajlandırıwdıń qosımsha ilajları haqqındaǵı Ózbekstan Respublikası Prezidentiniń pármanı (PP-113-san, 20.04.2022-j.) qabıl etildi.
Oǵan muwapıq, 2022-jıl 1-avgusttan baslap:
mámleketlik xızmetlerden paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engiziledi.
- Mobil-ID sisteması «Elektron húkimet» sisteması paydalanıwshıların identifikaciyalaw boyınsha birden-bir málimleme sistemasınıń quramlıq bólegi esaplanadı hám shaxstı onıń mobil telefon nomeri arqalı identifikaciyalawdı názerde tutadı;
- shaxstı Mobil-ID sisteması járdeminde identifikaciyalaw puqaranıń qálewine kóre mámleketlik xızmetler orayı yamasa notarial keńse tárepinen yaki Birden-bir interaktiv mámleketlik xızmetler portalınıń mobil qosımshası arqalı ámelge asırıladı;
- tikkeley Oraylar yamasa notarial keńse arqalı puqaralardı Mobil-ID sistemasına identifikaciya etiw 2022-jıl 31-dekabrge shekem tólem óndirilmesten, 2023-jıl 1-yanvardan baslap bazalıq esaplaw muǵdarınıń 2 procenti muǵdarında bir mártelik tólem óndirilgen halda ámelge asırıladı;
- Mobil-ID sisteması paydalanıwshıları elektron sanlı imzanı qollamaǵan halda barlıq mámleketlik xızmetlerden (bunnan finanslıq xızmetler tısqarı) paydalanıwı múmkin;
- puqaranıń BIMXPdaǵı jeke kabinetine jiberiletuǵın barlıq xabarnamalar onıń qálewine kóre hám belgilengen tólemler tiykarında Mobil-ID sisteması arqalı identifikaciyalanǵan mobil telefon nomerine SMS-xabar formasında jiberiledi.
2022-jıl 1-sentyabrden tómendegi mámleketlik emes shólkemlerge “Elektron húkimet” sisteması arqalı alınıwı múmkin bolǵan maǵlıwmatlardan paydalanıw imkaniyatı jaratıladı:
• kommerciyalıq bankler;
• telekommunikaciya shólkemleri;
• jeke medicina mákemeleri;
• mámleketlik emes bilimlendiriw shólkemleri;
• qamsızlandırıw shólkemleri.
2022-jıl 1-iyunnan:
• “Sociallıq qorǵaw birden-bir reestri” málimleme sistemasında dizimge alınǵan shaxslar hám olardıń perzentleri hámde “Jaslar dápteri”ne kirgizilgen jaslar JOOna oqıwǵa qabıl etiwde ótkeriletuǵın kiriw test sınaqlarında qatnasıw ushın óndiriletuǵın tólemlerden azat etiledi;
• Oraylarda xalıq hám isbilermenlerge elektron mámleketlik xızmetlerden paydalanıw ushın ózine ózi xızmet kórsetiwshi orınlar shólkemlestiriledi.