Янгиликлар
21
Nızamshılıqtaǵı_jańalıqlar
“Qurılıs tarawına tiyisli birden-bir hákimshilik qurılıs reglamentlerin tastıyıqlaw haqqında”ǵı Húkimet qararı (200-san, 20.04.2022-j.) qabıllandı.
Qararǵa kóre, tómendegiler boyınsha mámleketlik xızmetler kórsetiwdiń hákimshilik reglamentleri tastıyıqlandı:
▫️ imaratlardıń sırtqı kórinisin ózgertiwdi kelisiw;
▫️ imaratlardıń qánigelesiwin ózgertiw, qayta qurıw, rekonstrukciya qılıw hám de óz aymaǵında qosımsha imaratlardı qurıwdı joybarlastırıwǵa ruqsatnama beriw;
▫️ Arxitektura –joybarlaw tapsırmasın islep shıǵıw ;
▫️Joybar-smeta hújjetlerin kelisiw;
▫️Qurılıs-montaj jumısların baslaw ushın obiektti dizimnen ótkeriw;
▫️ Qurılıs-montaj jumısları pitken obiektten paydalanıw ushın ruqsatnama beriw;
▫️Kóshpes múlk buzılıwǵa túsken yamasa túspegenligi haqqında maǵlıwmatnama beriw.
Usıǵan muwapıq, imarat hám turar jaylardıń buzılıwǵa túskenligi jaǵdayı haqqında maǵlıwmatnama alıw ushın MXO yamasa BIMXP múrájat etiledi.
Maǵlıwmatnama alıw ushın arzalar BIMXP arqalı dem alıw hám bayram kúnlerine qaramastan, 24 saat dawamında jiberiliwi múmkin.
Maǵlıwmatnama 3 jumıs kúninde rásmiylestiriledi hám de arza beriwshiniń elektron mánziline jiberilip, oǵan bul haqqında xabar beriledi.