Янгиликлар
21
Nızamshılıqtaǵı_jańalıqlar
Kishi isbilermenlik subektleri ushın 5 mlrd sumǵa shekem kredit ajıratıladı.
“Aymaqlarda isbilermenlik joybarların qarjılandırıw mexanizmlerin bunnan bılay da keńeytiw ilajları haqqında”ǵı Prezident qararı qabıl etildi.
Qararǵa kóre, kishi isbilermenlik subektleriniń jumısın qarjılandırıw ushın kommerciyalıq banklerge Tikleniw hám rawajlanıw qorınıń qarjıları esabınan 300 million AQSh dolları ekvivalentinde kredit liniyası ajıratıladı.
Bunda:
➖ Kredit liniyası kommerciyalıq banklerge 7 jıl múddetke, sonıń ishinde, 3 jıllıq jeńillikli dáwir menen 10 procent stavkada milliy valyutada ajıratıladı;
➖ bankler tárepinen kreditler islep shıǵarıw hám xızmet kórsetiw tarawındaǵı joybarlardı ámelge asırıw ushın jıllıq 14 procent stavkada, 5 jılǵa shekemgi múddetke, sonıń ishinde, 2 jılǵa shekem jeńillikli dáwir menen 5 milliard sumǵa shekem muǵdarda ajıratıladı;
➖ isbilermenlik subektleriniń jumıs islew dáwiri 6 ayǵa shekem bolǵanda 1 milliard sumǵa shekem, 6 aydan 1 jılǵa shekem bolǵanda 2 milliard sumǵa shekem, 1 jıldan 2 jılǵa shekem bolǵanda 3 milliard sumǵa shekem, 2 jıldan 3 jılǵa shekem bolǵanda 4 milliard sumǵa shekem hám 3 jıldan asqanda 5 milliard sumǵa shekem kreditler ajıratıladı;
➖ kredit liniyası qarjılarınıń keminde 70 procenti Nókis qalasınan, wálayatlardıń adminstrativlik orayınan hám wálayatqa boysınatuǵın qalalardan tısqarı aymaqlarda jumıs alıp barıp atırǵan isbilermenlerge ajıratıladı.