Янгиликлар
20
Bilesiz be?
❗️ Búgingi kúnde internet tarmaǵında ańsat pul tabıw aldawı menen túrli “finanslıq piramida”lar háwij alıp atır.
Tashkent qalası IIBB jáne bir finanslıq piramida haqqında eskertti.
Oyın kórinisindegi usı piramidanıń mazmunı sonnan ibarat, yaǵnıy qatnasıwshı «toparǵa» qosılıw ushın arnawlı sayt arqalı dizimnen ótedi hám gifter (sawǵa beriwshi) statusı astında topar orayında bolǵan legend statuslı qatnasıwshıǵa pul jiberedi.
Bunnan keyin gifter jáne eki adamdı toparǵa qosıw ushın siltemege iye boladı. Usı silteme arqalı jáne eki adam qosılsa, gifter statusı builder ge ózgeredi hám sol tárizde qatnasıwshı legend dárejesine shıqqanǵa shekem qatnasıwshını tartıw kerek boladı. legend dárejesine shıqqanda ǵana oǵan pul tabıw imkaniyatı usınıladı.
Bunday oyınlardıń qáwipli tárepi, joqarı statuslı qatnasıwshılardıń pulları, tómengi qatarda bolǵanlardıń bergen pullarınan tólenedi. Qatnasıwshılar sanı kerekli muǵdarda kóp bolmaǵanǵa shekem keyinlew qosılǵanlarǵa bir sum da pul tiymeydi. Piramidanı shólkemlestirgenler waqtı kelgende onı jawadı hám jańa dizimnen ótkenler tek ǵana dáramattan emes, al ózi tikken puldan da ayrıladı.
Húrmetli puqaralar! Nızamsız háreketten ózińizdi saqlań.
“Finanslıq piramida” ushın jınayıy juwapkershilik belgilengen bolıp, oǵan kóre pul qarjıların hám (yamasa) basqa mal-múlkti tartıwǵa baylanıslı nızamsız iskerlik, yaǵnıy “finanslıq piramida” shólkemlestiriw, oǵan basshılıq etiw, reklama etiw awırlastırıwshı jaǵdaylarda 7 jıldan 10 jılǵa shekem erkinlikten ayırıw jazası menen jazalanadı.
Óz qarjılarıńızdan únemli paydalanıń, aldawshılardıń tuzaǵına túsip qalmań!