Янгиликлар
04
Aralboyı aymaǵında isbilermenlikti rawjlandıriw jáńa basqıshqa kóterilmekte...
Búgingi kúnde Aralboyı aymaǵın sociallıq hám siyasiy-ekonomikalıq jaqtan rawajlandırıw boyınsha bir qansha normativ-huqıqıy hújjetler qabıl etilgen. Atap aytqanda, Ózbekstan Respublikası Prezidentiniń 2021-jıl 23-noyabrdegi “Aral boyı regionında isbilermenlikti jedel rawajlandiriwǵa baylanıslı qosımsha ilájlar haqqında”ǵı PP-25 sanlı Pármanı qabil etilgen.
Búl párman tiykarında:
1. 2022-jıl 1-yanvardan 2031-jıl 1-yanvarǵa shekem Qaraqalpaqstan Respublikası Moynaq rayonındaǵı jergilikli sanaat, awıl xojalıǵı hám xızmetler tarawındaǵı isbilermenlik subyektleri ushın payda salıǵı, aylanbalardan alınatuǵın salıq, sociallıq salıq, fizikalıq shaxslardan alınatuǵın dárámat salıǵı boyınsha ornatılǵan salıq stavkaları 1% etip belgilew;
• mal-múlk salıǵı, jer salıǵı hám suw resurslarınan paydalanǵanlıq ushın salıq stavkaların usı salıq boyınsha esaplanatuǵın summadan 1% mugdarında belgilew názerde tutılǵan.
2. 2025-jıl 1-yanvarǵa shekem Xorezm wilayatıniń Topiraqqala, Yangiarıq, Yangibozor rayonlarında jána shólkemlestirilgen hám usı rayonlarda dizimnen ótken halda iskerlik kórsetip atırǵan isbilermenlik subyektleri boyınsha (klasterlerden tısqarı);
• payda salıǵı, yuridikalıq shaxslardan alınatuǵın jer salıǵı, yuridikalıq shaxslardıń mal-múlkine salınatuǵın salıq stavkaların 50% ǵa kemeytiw;
• olar tárepinen belgilengen tártipte shólkemlestirilgen dizim boyınsha Ózbekstan Respublikasında islep shıǵarılmaytuǵın óz islep shıǵarıw (xızmet kórsetiw) mútájlikleri ushın alıp kelingen shiyki zat, materiallar bajıxana bajınan azat etiliwi belgilengen.
3. Xorezm wálayatında jańadan payda bolıp atırǵan baǵlar, júzimzarlıqlar hám tutzarlar iyelegen jerlerge, tereklerdiń aralarınan awıl xojalıǵı eginlerin egiw ushın paydalanıwınan qaramastan, yuridikalıq shaxslardan alınatuǵın jer salıǵın tólew boyınsha jeńillikli dáwir bes jıl etip belgilendi.
4. Qaraqalpaqstan Respublikası ushın Ózbekstan Respublikası Prezidentiniń 2021-jıl 25-avgustdaǵı “Investiciya joybarların sırtqı infratustruktura menen támiyinlew ilajları haqqında”ǵı PQ-5233 sanlı Qararına muwapıq zárúr sırtqı injenerlik-kommunikaciya tarmaqları menen Mámleket byudjeti qarjları esabınan támiyinlenetuǵın investiciya joybarları muǵdarı keminde 50 milliard sum muǵdarında etip belgilendi.Bunda, bul tártip boyınsha 50 milliard sumnan 200 milliard sumǵa shekem bolǵan investiciya joybarlarınıń sırtqı injenerlik-kommunikaciya tarmaqların támiyinlew menen baylanıslı qárejetleri bul joybarlar muǵdarıniń 20 procentinen aspawı kerek.
5. Finans ministrligi hám Oraylıq bank menen birgelikte Xorezm wálayatında sociallıq-ekonomikalıq rawajlanıwdan artta qalıp atırǵan hám jumıssızlıq dárejesi joqarı bolǵan 98 máhelle ushın
2022-2026 -jıllar dawamında:
a) Shańaraq isbilermenligin rawajlandırıw dástúrleri sheńberinde:
•“máhállebay” islew sistemasın engiziw maqsetinde 200 milliard sum;
•xalıqtı isbilermenlikke oqıtıw hám eń jaydırıw joybarların ámelge asıratuǵın mámleketlik emes kommerciyalıq emes shólkemlerin qollap-quwatlaw ushın 50 milliard sum muǵdarında kredit resursları ajratılıwın názerde tutılǵan.
b)Ózbekstan Respublikası byudjeti esabınan infrastrukturanı rawajlandırıw ushın 150 milliard sum qarjı ajratılıwın belgilengen.
6. Eksporttı rawajlandıriw agentligi tárepinen 2022-jıl 1-yanvardan 2027-jıl 1-yanvarǵa shekem Aralboyi regioninde iskerlik alıp barıp atırǵan:
•kishi biznes subektlerine kárxana qurılısı ushın zárúr bolǵan ásbap-úskene hám texnikalardı respublikanıń basqa aymaqlarından alıp keliw hám de olar tárepinen islep shıǵarılǵan joqarı qosılǵan bahaǵa iye ónimlerdi respublikanıń basqa aymaqlarına jetkiziw menen baylanıslı temir jol transportında tasıw qárejetleriniń 50 procent bólegin qaplap beriw;
•jergilikli eksportshilar tárepinen islep shıǵarılǵan joqarı qosılǵan bahaǵa iye ónimlerdi eksport qılıwda, olardıń Kaspiy teńizine shekem tasıw menen baylanıslı transport qárejetlerin tolıq qaplap beriw tártibi engiziliwi názerde tutılǵan.
Qanlıkól rayonı yuridikalıq
xızmet kórsetiw orayı bas yuriskonsultı R.Kómekbaev