Янгиликлар
16
Nızamshılıqtaǵı_jańalıqlar
“Kiberqáwipsizlik haqqında”ǵı Nızam (764-san, 15.04.2022-j.) Prezident tárepinen imzalandı.Nızamǵa tiykar, kiberqáwipsizlik - kibermákanda shaxs, jámiyet hám mámleket máplerin sırtqı hám ishki qáwiplerden qorǵanǵanlıq jaǵdayı esaplanadı.Kiberqáwipsizlik tarawındaǵı birden bir mámleketlik siyasattı Prezident belgileydi.Mámleketlik qáwipsizlik xızmeti kiberqáwipsizlik tarawındaǵı wákillikli mámleketlik uyım esaplanadı.
Nızamǵa kóre, mámleketlik uyımlar hám shólkemler kiberqáwipsizlikti támiiynlew maqsetinde wákillikli mámleketlik uyımınan kiberqáwipler, baǵdarlamalıq támiynettaǵı, úskeneler hám texnologiyalardaǵı ázzilikler haqqındaǵı málimlemeni alıw huqıqına iye.
Mámleketlik uyımlar hám shólkemlerdiń málimleme sistemaları hámde resursları maǵlıwmatlarınıń saqlanıwın támiyinlew maǵlıwmatlardıń rezerv nusqaların jaratıw jolı menen ámelge asırıladı, olardıń saqlanıw múddeti aqırǵı 3 aydan kem bolmawı kerek.
Kiberqáwipsizlik talaplarına muwapıqlıq boyınsha ekspertiza májbúriy tártipte yamasa kiberqáwipsizlik subektleriniń baslamasına kóre ámelge asırıladı.
Tómendegiler kiberqáwipsizlik talaplarına muwapıqlıq boyınsha májbúriy tártipte ekspertizadan ótkeriliwi lazım:
•mámleketlik uyımlardıń málimleme resursları;
•mámleketlik uyımlardıń málimleme sistemaları;
•áhmiyetli málimleme infrastrukturası obektleri toparına kirgizilgen málimleme sistemaları.
Nızam rásmiy járiyalanǵan kúnnen baslap 3 ay ótkennen keyin kúshke kiredi.