Янгиликлар
15
Nızamshılıqtaǵı_jańalıqlar
“Medicinada jeke sektor iskerligine qosımsha qolaylıqlar jaratıw hám taraw xızmetkerlerin qollap-quwatlaw ilajları haqqında”ǵı Prezident pármanı (PP-102-san, 11.04.2022-j.) qabıllandı.
Pármanǵa kóre:
➖joqarı mamanlı hám maman qánigeler taypasına kirmeytuǵın shet el puqarası bolǵan shıpakerler ushın Ózbekstanda islew huqıqın beretuǵın tastıyıqnama beriw ushın tólem muǵdarı 6 esege kemeytirilip, BEMnıń 5 esesi muǵdarında óndiriledi (Aldın BEMnıń 30 esesi muǵdarında edi);
➖Ózbekstanǵa qısqa múddetke (bir ayǵa shekem) kelip atırǵan sırt el qánigelerine Ózbekstanda islew huqıqın beretuǵın tastıyıqnama alıw talap etilmeydi;
➖Ózbekstanda turaqlı jasaw ornına iye bolmaǵan shet el puqaraları hám de puqaralıǵı bolmaǵan shaxslardan emlew mákemeleri tárepinen óndirilgen turistlik (miymanxana ) tólemi biykar etiledi;
➖emlew mákemeleri (bunnan sanatoriy hám pansionatlar tısqarı) ushın turistlik xızmetlerdi sertifikatlastırıwǵa bolǵan talap biykar etiledi. Bunda, keliwshilerdi esapqa alıw elektron ámelge asırıladı.
Yuridikalıq shaxslar tárepinen lizing shártnaması tiykarında alıp kelinetuǵın jańa medicinalıq ásbap-úskeneler, pútinlewshi buyımlar hám olardıń awısıq bólekleri hám de sarıplanatuǵın materiallar ushın bajıxana jeńillikleriniń ámel etiw múddeti 2025-jıl 1-yanvarǵa shekem uzaytırıldı (aldın 2024-jıl 1-yanvarǵa shekem edi).
Pármanǵa kóre, medicinalıq ásbap-úskeneler hám buyımlardıń awısıq bólekleri hám de medicina maqsetleri ushın jumsalanatuǵın materiallardı 2025-jıl 1-yanvarǵa shekem Ózbekstanǵa alıp kiriwde QQSnan azat etiledi.
Sonday-aq, pármanǵa muwapıq:
▫️mámleketlik emes medicina shólkemlerinde medicina JOOnıń klinikalıq bazaları shólkemlestirilip, olarda shıpaker hám miyirbiykeler mamanlıǵı asırıladı hám de qayta tayarlanadı;
▫️mamanlıq taypasın alıw ushın talap etiletuǵın is stajı múddeti qısqartırılǵan halda, taypasız xızmetkerlerge 3 jıl, birinshi taypa ushın - 5 jıl, joqarı taypa ushın - 7 jıl etip belgilendi (aldın birinshi mamanlıq taypası ushın 7 jıl, joqarı mamanlıq taypası ushın 10 jıl edi).