Янгиликлар
13
Nızamshılıqtaǵı_jańalıqlar
Húkimet qararı (172-sanlı Qarar, 12.04.2022-j.) menen Jol háreketi qaǵıydaları tastıyıqlandı.
✅ Qararǵa kóre, xalıq punktlerinde transportlardıń tezligin saatına 70 kilometrden, mektep hám baqshalar átirapındaǵı jollarda 300 metrge shekem aralıqta 30 kilometrden, turaq jay massivleri hám onıń janındaǵı aymaqlarda (úy-jay imaratları arasındaǵı jer uchastkasında) bolsa saatına 20 kilometrden asırmastan háreketleniwge ruqsat etiledi.
Bunda Prezidenttiń tiyisli qararı menen shólkemlestirilgen Jol háreketi qáwipsizligin támiyinlew tarawındaǵı respublika komissiyası qararı tiykarında Tashkent hám Nókis qalaları hámde wálayatlar oraylarındaǵı jol háreketi qatnawı joqarı bolǵan hám xalıq tıǵız aymaqlardaǵı transport háreketleniwiniń joqarı tezligi saatına 60 kilometr etip belgileniwi múmkin.
Jeńil avtomobillerde júk tasıwǵa olardıń joqarı bólimine ornatılǵan júkxanadaǵı júktiń bálentligi 1 metrden (arnawlı úskeneler menen bekkemlengen halda velosipedlerdi tasıw bunnan tısqarı) hám uzınlıǵı avtomobildiń gabaritinen 0,5 metrden aspaǵan jaǵdayda jol qoyıladı.
Júk avtomobilleri, Jol háreketi qaǵıydalarına belgilengen ayırım sheklewlerden tısqarı barlıq jaǵdaylarda, joldıń tek ǵana oń qatnaw bóliminen háreketleniwi shárt.Transport qurallarınıń burılıp alıw orınlarında hám oǵan 30 metr jetpesten yamasa ótip toqtaw qadaǵan etiledi.Sutkanıń qarańǵı waqtında hám jeterlishe kórinbeytuǵın sharayatta velosiped jolı bolmaǵan halda joldıń qatnaw bóliminde háreketlenip atırǵan velosipedshiler nur qaytarıwshı kamzulda yamasa nur qaytarıwshı elementler bolǵan ústki kiyimde bolıwı shárt.
Bunda usı nur qaytarıwshı elementler basqa transport basqarıwshılarına kórinetuǵın bolıwı kerek.
Sonday-aq, xalıq hámde aydawshılar ortasında 7 jasqa shekem balalar orınına, 7 jastan 12 jasqa shekem balalardı arnawlı uslap turıwshı úskeneli qáwipsizlik remenin taqqan halda tasıw, transporttıń arqa ornındaǵı jolawshılar da qáwipsizlik remenin taǵıp alıw boyınsha mánzilli ilajlar ámelge asırıladı.
Jańa redakciyadaǵı Jol háreketi qaǵıydaları 2022-jıl 1-maydan baslap engiziledi.