Янгиликлар
13
Xızmet saparı pulları óndiriliwi belgilendi
Bozataw rayonı Veterinariya hám sharwashılıqtı rawajlandırıw bóliminde islewshi xızmetkerler A.N. 972.000 (toǵız júz jetpis eki mıń) sum, A.O. 1.292.240 (bir million eki júz toqsan eki mıń eki júz qırıq) sum hám N.M.lar 1.292.240 (bir million eki júz toqsan eki mıń eki júz qırıq) sumlıq xızmet saparı qárejetleri tólemlerin óndirip beriwde ámeliy járdem sorap múrájat etti.Ádillik bólimi xızmetkerleri tárepinen arzalar monitoring jolı menen úyrenilgende haqıyqatında da arza iyeleri haq ekenligi anıqlandı.
Úyreniw nátiyjesinde, Ózbekstan Respublikası Miynet kodeksiniń 161-statyasında miynetke haqı tólew múddetleri jámáátlik shártnama yamasa basqa lokal normativ hújjette belgileniwi hám hár yarım ayda tóleniwi kórsetilgen.
Ózbekstan Respublikası Puqaralıq kodeksiniń 171-statyası 5-bántinde esaplanǵan, lekin xızmetkerge tólenbegen is haqı hám basqa oǵan teńlestirilgen tólemlerdi óndiriw haqqında shaǵım etilgen bolsa, sud buyrıǵı beriliwi belgilengenligi esapqa alınıp, puqaralıq isleri boyınsha Shımbay rayonlararalıq sudına arza kirgizildi.
Sud buyrıǵına tiykar, qarızdar Bozataw rayonı Veterinariya hám sharwashılıqtı rawajlandırıw bóliminen arza iyelerine esaplanǵan, biraq tólenbegen is haqı hám oǵan teńlestirilgen tólemler boyınsha jámi 3 556 480 (Úsh million bes júz eliw altı mıń tórt júz seksen) sum qarızdarlıq óndiriliwi belgilendi.
N.Tayrov,
Bozataw rayonı ádillik bólimi baslıǵı