Янгиликлар
12
Nızamshılıqtaǵı_jańalıqlar
“Máhállelerde jaslardı ǵalabalıq sportqa qamtıp alıwdı jańa basqıshqa alıp shıǵıw ilajları haqqında”ǵı Prezident qararı (PQ-201-san, 11.04.2022-j.) qabıllandı.Qarar menen ǵalabalıq sporttı rawajlandırıwdıń tiykarǵı baǵdarları belgilendi.Atap aytqanda, shańaraqlıq sport xoshametlenedi, ǵalabalıq sport jarısları shólkemlestiriledi.
2022-jıldan baslap hár jılı 30-iyun - Ózbekstan Respublikası jasları kúni hám de dekabrde ótkeriletuǵın “Jaslar forumı” sheńberinde futbol, mini-futbol, voleybol, jeńil atletika, shaxmat, shashka, stol tennisi, stritbol, vorkaut túrleri boyınsha 5 basqıshlı ǵalabalıq sport jarısları ótkeriledi.
▫️1-basqıshta – kósheler aralıq máhálle jarısları;
▫️2-basqıshta – máhálleler aralıq sektor jarısları;
▫️3-basqıshta - sektor jarıslarında jeńimpaz bolǵan máhálle komandaları ortasında rayon (qala) jarısları;
▫️4-basqıshta - rayon (qala) jarısları jeńimpaz máhálle komandaları ortasında wálayat jarısları;
▫️5-basqıshta - wálayat jarıslarında jeńimpaz bolǵan máhálle komandaları ortasında respublika (final) jarısları.
Bul jarıslar 5 basqıshlı “Bes baslama olimpiadası” sheńberinde ótkeriledi.
2023-jıl 1-marttan olimpiya, olimpiya bolmaǵan hám milliy sport túrleri boyınsha 3 basqıshlı ulıwmarespublika sport jarısları ótkeriledi.
Joqarıdaǵı jarıslar jeńimpazların tayarlaǵan mekteplerdiń dene tárbiyası páni oqıtıwshıları hám sport -bilimlendiriw mákemeleriniń trenerleri mamanlıq attestaciyasına qamtıp alınbaydı hám olarǵa tómendegi mamanlıq taypaları (kategoriya) tuwrıdan-tuwrı beriledi:
▫️rayon (qala) basqıshı jarıslarında jeńimpaz hám sıylıqlanǵanlardı tayarlaǵanı ushın - ekinshi mamanlıq taypası;
▫️wálayat basqıshı jarıslarında jeńimpaz hám sıylıqlanǵanlardı tayarlaǵanı ushın - birinshi mamanlıq taypası;
▫️respublika (final) basqıshında jeńimpaz hám sıylıqlanǵanlardı tayarlaǵanı ushın - joqarı mamanlıq taypası;