Янгиликлар
12
#Akciya_sheńberinde
Ózbekstan Respublikası Ádillik ministrligi baslaması menen ótkerilip atırǵan «Densawlıqtı saqlaw hám bilimlendiriw sisteması xızmetkerleriniń huqıqların qorǵaw» huqıqıy akciyası sheńberinde ministrlik tárepinen Qaraqalpaqstan Respublikası aymaqlıq perinatal orayı xızmetkeri A.Yu.dıń múrájatı úyrenip shıǵıldı.
Úyreniw dawamında, xızmetker A.Yu. 2014-jılda orayǵa kúndizgi akusherka lawazımına jumısqa qabıl etilgen bolıwına qaramastan oraydıń 2022-jıl 21-fevraldaǵı nızamsız buyrıǵı menen onıń razılıǵı alınbastan miynet shártnamasına ózgeris kirgizip, túngi náwbetshilikke májbúriy tártipte qoyılǵan.
Anıqlanǵan jaǵdaylar boyınsha, ministrlik tárepinen Qaraqalpaqstan Respublikası aymaqlıq perinatal orayına usınıs kirgizildi. Usınısqa tiykar oraydıń nızamsız buyrıǵı biykar etildi hám xızmetker A.Yu. óz jumıs ornına qaytarıldı, nızambuzıwshılıq jaǵdayına jol qoyǵan kadrlar bólimi xızmetkerine «Sógis» intizamiy jaza sharası qollanıldı.
E.Utepov,
Insan huqıqların qorǵaw bólimi baslıǵı