Янгиликлар
11
Nızamshılıqtaǵı_jańalıqlar
“Isbilermenlik ortalıǵın jaqsılaw hám jeke sektordı rawajlandırıw arqalı turaqlı ekonomikalıq ósiw ushın sharayatlar jaratıw boyınsha náwbettegi reformalar haqqında”ǵı Prezident pármanı qabıl etildi.
Pármanǵa muwapıq, tómendegiler engiziledi:
▫️awıl xojalıǵına mólsherlenbegen jerlerdi múlk huqıqı tiykarında aukcion arqalı satıwda tólemlerdi 3 jılǵa shekem bólip-bólip tólewge ruqsat etiledi;
▫️bólip-bólip tólew shárti menen satılǵan mámleketlik aktivler hám awıl xojalıǵına mólsherlenbegen jerler boyınsha keminde 35 payız muǵdarındaǵı dáslepki tólemdi bir jola ámelge asırǵan qarıydarlarǵa usı múlklerdi kredit támiynatı sıpatında girewge qoyıw huqıqı beriledi.
✅ 2022-jıl 1-maydan dizimi Ministrler Kabineti tárepinen tastıyıqlanatuǵın sırt el puqaralarına Ózbekstanda jasaw gúwalıǵın talap etpegen halda, jańadan qurılıp atırǵan tómendegi kóshpes múlk obektlerin satıp alıw tárizinde investiciya kirgiziw huqıqı beriledi:
➖Tashkent wálayatı, Tashkent hám Samarqand qalalarında – qurılıs dáwirinde dúzilgen shártnamalarǵa tiykar bahası 150 mıń AQSh dolları ekvivalentinen, paydalanıwga qabıl etilgen kóshpes múlk obektlerinde bahası 180 mıń AQSh dolları ekvivalentinen kem bolmaǵan kóshpes múlk obektleri;
➖basqa aymaqlarda – qurılıs dáwirinde dúzilgen shártnamalarǵa tiykar bahası 70 mıń AQSh dolları ekvivalentinen, paydalanıwǵa qabıl etilgen kóshpes múlk obektlerinde bahası 85 mıń AQSh dolları ekvivalentinen kem bolmaǵan kóshpes múlk obektleri.
Bunda, usı kóshpes múlk obektlerin satıp alıw shet el mámleketi puqaralarına Ózbekstanda turaqlı dizimnen ótiw hám jasaw gúwalıǵın alıw ushın tiykar bolmaydı.Shet el mámleketleri puqaralarına kóshpes múlk satıp alıw shárti menen Ózbekstanda jasaw gúwalıǵın alıw ushın talap etiletuǵın kóshpes múlk bahası muǵdarı Tashkent wálayatı hám Tashkent qalasında 400 mıń AQSh dollarınan 300 mıń AQSh dolları ekvivalentine shekem kemeytirildi.