Янгиликлар
02
TAQIYATAS RAYONI ÁDILLIK BÓLIMI TÁREPINEN 2022-JIL 1-ShEREK DAWAMINDA ÁMELGE ASIRILǴAN JUMISLARI BOYINShA ESABATI
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypalarınan biri bolıp esaplanadı.
Bul baǵdarda 2022 jılda 1 sherekte Taqıyatas rayonı ádillik bólimi tárepinen bir qatar jumıslar ámelge asırıldı.Atap aytqanda, bólimge usı jıldıń 1-sherek dawamında 132 xat hám hújjetler kelip túsip, belgilengen tártipte orınlanıwı támiyinlendi.Buyrıq, tapsırma xat hám múrájatlar tiykarında mámleketlik organları hám shólkemlerinde úyreniw hám monitoring isleri alıp barılıp, 205 nızam buzılıw jaǵdaylarına jol qoyılǵanlıǵı anıqlandı.
Úyreniwler dawamında tiyisli mámleketlik organları hám shólkemlerine 11 usınıs kiritildi. Kirtilgen usınıslar tiykarında, 3 hujjat biykar qılınıp, 3 jaǵdayda lawazımlı shaxslardıń hareketlari toqtatıldı. Puqaralar paydasına 168.753 mıń sum muǵdarında tólemleri óndiriliwine erisildi hám 3 juwaplı xızmetlker intizamiy juwapkershilikke tartıldı.Bunnan tısqarı, tiyisli uyımlarǵa juwaplı shaxslardıń hákimshilik juwapkershilik máselesin kórip shıǵıw haqqında 7 usınıs kiritilip, házirde 4 shaxsqa hákimshilik jaza sharaları qollanıldı hám nızam buzılıwshılıqqa jol qoymaw haqqında 4 lawazımlı shaxsqa rásmiy eskertiwler berildi.
Sonday-aq, 1-sherek dawamında sudlarǵa 45.080,1 mıń sumlıq 22 arza hám 2 dawa arza kiritilip, 22 arza tolıq qanaatlandırıldı. 2 dawa arza kórip shıǵıw basqıshında turıptı.
Qalaberse, esabat dáwirinde sudlar tárepinen 31 dawa arza qanaatlandırılıp, puqara hám lawazımlı shaxslar paydasına 103.865 mıń sum muǵdarında materiallıq zıyan hám 25.000 mıń sum muǵdarında ruwxıy zıyan tólemleri óndiriwge qaratıldı.
Bólimge jámi 84 múrájatlar kelip tústi. Kelip túsken múrjatlardıń 72 hal qılındı.Hal qılınǵan múrájatlardan 66 qanaatlandırılǵan bolsa, 6 túsinik berildi hám 6 múrájat tiyisliligi boyınsha basqa shólkemlerge jiberildi.Bólimge kelip túsken múrájatlar tiykarınan 29 múrájat miynet dawları boyınsha (sonnan is haqı óndiriw 23),12 múrájat bilimlendiriwge baylanıslı nızam hújjetler boyınsha, 3 múrájat aliment, 23 múrájat basqa máseleleri,3 múrájat kommunal máselesin quraydı.
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik–siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019–jıldıń 9–yanvar kúni Ózbekstan Respublikası Prezidentiniń 5618–sanlı Pármanı qabıl etildi.
Bul salada bólim tárepinen 128 úgit–násiyat jumısları, sonıń ishinde televidenie, radio hám gazetlarda 7 márte, veb-sait hámde sociallıq tarmaqlarda 81 den artıq úgit-násiyat jumısları alıp barıldı.
Huqıqıy úgit–násiyat ilajları puqaralardan kelip túsip atırǵan múrájatların tereń tallaw arqalı xalqımızdıń kúndelikli turmısında ushırasatuǵın máseleler, yaǵnıy materiallıq járdem, jer, úy–jay alıw, kommunal xojalıq, jeńillikler, aliment, miynet nızamshılıǵı, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Xalıqtıń huqıqıy másláhátke bolǵan mútájligin támiyinlew maqsetinde, sociallıq tarmaqlar arqalı puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslar turaqlı ráwishte alıp barılmaqta.
A.P.Abatov,
Taqıyatas rayonı ádillik bólimi baslıǵı