Янгиликлар
07
Bilesiz be?
➡️Haywanlardı identifikaciya etiw ózi ne?
Birkalaw, tamǵalaw, jetonlaw hám chip ornatıw arqalı haywanlarǵa individual san beriw, haywanlar haqqında maǵlıwmatlardı elektron málimleme sistemasına kirgiziw hám olarǵa veterinariya pasportın rásmiylestiriw (http://lex.uz/docs/3359038).
➡️Veterinariya pasportı degen ne?
Veterinariya pasportı – bul haywannıń identifikaciya sanı, onıń iyesi, haywanlardıń keselliklerine qarsı emlengenligi, emlew jumısları haqqındaǵı maǵlıwmatlar dizimge alıp barılatuǵın hújjet.
➡️Bárshe haywanlar identifikaciya etile me?
Yaq. Tek qaramal, qoy, eshki, shoshqa, at, eshek,túyeler, iytler hám pıshıqlar identifikaciya etiledi.
Quslar, qoyanlar hám basqa haywanlar identifikaciya etilmeydi.
➡️Identifikaciya etiw tártibi qanday?
Haywan iyeleri haywan tuwılǵannan soń turaqlı jasaw ornındaǵı veterinariya xızmetiniń wákiline tómendegi múddetlerde múrájat etiwi lazım:
• qaramal, qoy hám eshkiler,túyelerdiń balaları 14 kúnnen keyin;
• qulınlar hám gúrreler 4 aylıǵınan keyin;
• shoshqa balaları 1 aylıǵınan;
• iyt hám pıshıqlar 3 aylıǵınan keyin.
➡️Identifikaciya ushın haywanlardı veterinariya bólimlerine alıp barıw kerek pe?
Shárt emes. Veterinariya xızmeti wákiliniń ózi arza kelip túskennen soń 3 kún ishinde mánziline barıp haywanlardı identifikaciya etedi. Haywan iyesiniń qálewine kóre, iyt hám pıshıqlar ıqtıyarlı ráwishte veterinariya bólimlerine alıp beriliwi múmkin.
➡️Haywanlardı identifikaciya etiw shárt pe?
Awa shárt. Usı shártti orınlamaw veterinariya – sanitariya qaǵıydaları hám normaların buzıw esaplanadı hám tiyisli juwapkershilikke alıp keledi.
➡️Hár bir bas haywanǵa veterinariya pasportı óz aldına rásmiylestirile me?
Qoy hám eshkilerge topar usılında veterinariya pasportı rásmiylestiriliwi múmkin. Biraq pasportta hár bir haywannıń óz aldına identifikaciya sanı kórsetiledi. Basqa haywanlarǵa bolsa veterinariya pasportı óz aldına rásmiylestiriledi.
➡️Haywan soyılsa yamasa nabıt bolsa ne boladı?
Bul jaǵdayda haywan iyeleri 7 kún múddette turaqlı jasaw ornındaǵı veterinariya xızmetiniń wákiline tiyisli birka hám jetonlar menen birge veterinariya pasportın esaptan shıǵarıw ushın usınadı.