Янгиликлар
07
Bilesiz be?
Aeroportlarda, vokzallarda, parklerde, dem alıw baǵlarında, bazarlarda hám sawda kompleksleri aymaǵında, sonday-aq olarǵa tutas aymaqlarda, avtomototransport quralların waqtınsha saqlaw orınlarında, kóshelerde, stadionlarda, bándirgilerde, jollardıń qatnaw bóliminde, materiallıq mádeniy miyras obektleri jaylasqan aymaqlarda, jámiyetlik transporttıń barlıq túrlerinde hám basqa jámiyetlik orınlarda pul, azıq-awqat ónimleri hám basqa materiallıq qımbat bahalıqlar beriwdi belsene tárizde sorap, tilenshilik penen shuǵıllanıw, usınday qılmıs ushın hákimshilik jaza qollanılǵannan keyin islengen bolsa, -
eki júz qırıq saatqa shekem májbúriy jámiyetlik jumıslar yamasa eki jılǵa shekem miynet penen dúzetiw jumısları yamasa bir jılǵa shekem erkinlikti sheklew yamasa bir jılǵa shekem erkinlikten ayırıw jazası menen jazalanadı.
Erjetpegen shaxslardı, kekse jastaǵı shaxslardı, ruwxıy halatı buzılǵan, mayıplıǵı bolǵan shaxslardı hám basqa shaxslardı tilenshilik etiwge tartıw, sonday-aq shaxslarǵa alkogolli ishimliklerdi yamasa náshebentlik ónimler yamasa psixotrop zatlar bolmaǵan, biraq shaxstıń aqıl-sanasına tásir kórsetiwshi zatlardı májbúriy túrde paydalandırǵan (qabıl ettirgen) halda olardı tilenshilik etiwge tartıw, usınday qılmıs ushın hákimshilik jaza qollanılǵannan keyin islengen bolsa, -
bazalıq esaplaw muǵdarınıń júz esesinen eki júz esesine shekem muǵdarda járiyma yamasa úsh júz alpıs saatqa shekem májbúriy jámiyetlik jumıslar yamasa eki jılǵa shekem miynet penen dúzetiw jumısları yamasa bir jıldan úsh jılǵa shekem erkinlikti sheklew yamasa úsh jılǵa shekem erkinlikten ayırıw jazası menen jazalanadı.