Янгиликлар
07
Bilesiz be?
Puqaralar jıyını baslıǵı kimler tárepten hám qansha múddetke saylanadı?
Puqaralar jıyını baslıǵı (aqsaqalı) puqaralar jıyını tárepinen, al puqaralar jıyının shaqırıw imkaniyatı bolmaǵan jaǵdayda, puqaralar wákilleriniń jıynalısı tárepinen úsh jıl múddetke saylanadı.
Puqaralar wákilleri kim?
Puqaralar wákilleriniń jıynalısına háwliler, úyler, kóshelerden puqaralardıń wákilleri jiberiledi.
Shólkemlestiriwshilik qábiletine, turmıslıq tájiriybege hám xalıq arasında abıray -itibarǵa iye bolǵan puqaralar, qaǵıyda retinde, puqaralardıń wákilleri bolıwı múmkin.
Saylaw qanday túrde ótkeriledi?
Puqaralar jıyını baslıǵın (aqsaqalın) saylaw jasırın dawıs beriw arqalı ámelge asırıladı.
Qanday formada dawıs beriledi?
Puqaralar jıyını baslıǵın (aqsaqalın) saylaw boyınsha dawıs beriw ótkerilip atırǵanda puqaralar jıyını (puqaralar wákilleriniń jıynalısı) qatnasıwshılarına saylaw byulletenleri (bunnan keyin tekstte - byulleten dep júrgiziledi) esap-sanaq komissiyası tárepinen beriledi.
Puqaralar jıyını baslıǵın (aqsaqalın) saylawda byulletenlerdi beriw tikkeley dawıs beriwden aldın baslanadı.
Byulleten dawıs beriwshi tárepinen jasırın dawıs beriw kabinasında yaki xanada toltırıladı.
Saylaw natiyjeleri qalay anıqlanadı?
Dawıs beriwde qatnasqan puqaralardıń yaki olardıń wákilleriniń yarımınan kóbiniń dawısın alǵan talaban puqaralar jıyını baslıǵı (aqsaqalı) lawazımına saylanǵan bolıp esaplanadı.