Янгиликлар
06
Nızamshılıqtaǵı_jańalıqlar
Húkimet qararı (150-san, 02.04.2022-j.) menen Kóshpes múlk ijara yamasa tegin paydalanıw shártnamaların mámleketlik salıq xızmeti uyımlarında esapqa qoyıw boyınsha mámleketlik xızmetti kórsetiw hákimshilik reglamenti tastıyıqlandı.
Reglamentke kóre, ijaraǵa beriwshi kóshpes múlk shártnamasın dúzilgeninen 3 kúnnen keshiktirmey salıq uyımında esapqa qoyıwı shárt.Shártnamanı esapqa qoyganlıǵı ushın tólem óndirilmeydi.
Kóshpes múlk birlemshi ijaraǵa (tegin paydalanıwǵa) alǵan shaxs tárepinen ekilemshi ijaraǵa (tegin paydalanıwǵa) beriliwi múmkin. Ekilemshi ijaralar da salıq uyımlarında esapqa qoyılıwı kerek.Shártnamanı esapqa qoyıw Mámleketlik salıq komitetiniń málimleme sisteması arqalı tek ǵana elektron formada ámelge asırıladı.Ijaraǵa beriwshi tárepinen sistema arkalı jiberilgen shártnama ijaraǵa alıwshı tárepinen 5 kúnde tastıyıqlanbasa shártnama salıq uyımlarında esapqa alınbaydı.
Shártnama esapqa qoyılǵanda QR-kodlı gúwalıq beriledi.
Shártnama tárepler kelisimine tiykar yamasa basqa tártipte múddetinen aldın biykar etilse yamasa haqıyqıy emes dep tabılsa, ijaraǵa beriwshi tárepinen onlayn esaptan shıǵarıladı.