Янгиликлар
05
Mart ayınıń eń jaqsı xızmetkeri anıqlandı
Xabarıńız bar, Qaraqalpaqstan Respublikası Ádillik ministrligi tárepinen 2018-jıldıń oktyabr ayınan baslap Ádillik ministrligi hám onıń sistemasındaǵı xızmetkerlerine júkletilgen miynet wazıypaların orınlawda olardıń juwapkershiligin jánede asırıw, xızmetkerlerdi hadal miyneti ushın xoshametlew arqalı miynet hám atqarıw intizamın bekkemlew maqsetinde “Aydıń eń jaqsı xızmetkeri” anıqlanıp kelinbekte.
Ministrlikte aydıń eń jaqsı xızmetkeri qalay anıqlanadı?
Bul eki basqıshta ámelge asırıladı.
1.Aydıń eń jaqsı xızmetkerin anıqlaw boyınsha dúzilgen komissiya hár bir xızmetkerdiń sol ay dawamında islengen jumısların, atap aytqanda miynet hám atqarıw intizamına, ministrliktiń ádep-ikramlılıq qaǵıydalarına ámel etkenligi, nızamshılıq hújjetleri hám taraw jumısların jetilistiriw boyınsha islep shıqqan usınısları, belsendiligi hám baslamashılıǵı, úgit-násiyat jumıslarına qatnası bahalanadı.
2.Bahalaw nátiyjesinde eń kóp ball toplaǵan 3 talaban ministrlik ham rayon (qala) ádillik bólimleri xızmetkerleri tárepinen dawısqa qoyıw arqalı anıqlanadı.
2022-jıldıń mart ayı juwmaǵı boyınsha ministrliktiń Huqıqıy úgit-násiyat hám aǵartıwshılıq bólimi baslıǵı Aldabergenov Isatay Maratovich “Aydıń eń jaqsı xızmetkeri” dep tabıldı.I.Aldabergenov óz iskerligi dawamında 2019-jıldıń eń jaqsı xızmetkeri dep tabılǵan.Ministrlik jámááti Isatay Maratovichti usı jetiskenlik penen qutlıqlap, aldaǵı jumıslarında tabıslar tileydi.