Янгиликлар
05
Ádillik ministrligine kelip túsken jáne bir múrájat óziniń unamlı sheshimin taptı
Qaraqalpaqstan Respublikası Ádillik ministrligine buzıp taslanǵan dúkánı ushın kompensaciya pulları tólep berilmegenliginen narazı bolıp jazǵan múrájatı úyrenip shıǵıldı.Anıqlanıwınsha, puqara K.A.nıń dúkan imaratı Ózbekstan Respublikası Ministrler Kabinetiniń 2015-jıl 15-dekabr kúngi 118-sanlı “Nókis qalası hám Beruniy rayonında keń kólemli qurılıs hám abadanlastırıw jumısların ámelge asırıw hámde infraduzilmesin rawajlandırıw dástúri haqqında”ǵı májlis bayanlamasınıń orınlanıwın támiyinlew maqsetinde buzıp taslanǵan.
Sonıń menen bir qatarda, puqara K.Anıń dúkanı Nókis qalası hákimligi tárepinen tek ǵana jer maydanı mámleket hám jámiyet mútájlikleri ushın alıp qoyılıwı haqqında eskertiw xatı menen buzıp taslanǵan hámde usı kúnge shekem kompensaciya pulları berilmegen.
Ózbekstan Respublikası Jer Kodeksi hám sol waqıtta óz kúshinde bolǵan Ózbekstan Respublikası Ministrler Kabinetiniń 2006-jıl 29-may kúngi 97-qararı menen tastıyıqlanǵan “Mámleket hám jámiyet mútájlikleri ushın jer uchastkalarınıń alıp qoyılıwı múnásibeti menen puqaralarǵa hám yuridikalıq shaxslarǵa jetkerilgen zıyanlardı qaplaw tártibi haqqında”ǵı Rejede múlkdarǵa jetkerilgen zıyan ornı tolıq qaplanıwı kórsetilgenligine qaramastan puqara K.Anıń jer uchastkalarına bolǵan huqıqınıń kepillikleri qopal ráwishte qala hákimligi tárepinen buzılǵan.
Ózbekstan Respublikası Ádillik ministrligi janındaǵı X.Sulaymanova atındaǵı Respublika sud ekspertizası orayınıń Qaraqalpaqstan Respublikası bólimi mámleketlik sud ekspertiniń qánige pikiri boyınsha buzılǵan dúkán imaratınıń kadastr hújjetlerine tiykar bahası 49 914 794 (qırıq toǵız million toǵız júz on tórt mıń jeti júz toqsan tórt) sumdı quraydı.
Múrájattı úyreniw nátiyjesi boyınsha, Ádillik ministrligi tárepinen puqara K.A.nıń buzılǵan huqıqların qorǵaw maqsetinde puqaralıq isleri boyınsha Nókis rayonlararalıq sudına dawa arza kirgizilip, puqara K.A.ǵa 49.914.794 sum kompensaciya pulların óndirip beriw haqqında sud qararı shıǵarıldı.
Múrájat iyesiniń buzılǵan huqıqları tiklendi.
Zebo Bazarbaeva,
Social-ekonomikalıq tarawda
huqıqtı qollaw ámeliyatin úyreniw
bólimi aǵa másláhátshisi