Янгиликлар
01
#Puqaralar_jıyını_baslıǵı_saylawınan_xabardarsız_ba?
Saylaw qashan boladı?
- Ózbekstan Respublikası Oliy Majlis Senatınıń 2022-jıl 16-marttaǵı Qararı menen 2022-jıl may ayında puqaralar jıyını baslıǵı (aqsaqalı) saylawı ótkeriletuǵınlıǵı belgilendi.
Saylawda kimler qatnasadı?
-Saylawda on segiz jasqa tolǵan hám posyolka, awıl sonday-aq qaladaǵı, posyolkadaǵı, awıldaǵı mákan-keńes aymaǵında turaqlı túrde jasawshı puqaralar iye boladı.
Saylawda kimler qatnasa almaydı?
-Bul saylawǵa sud tárepinen qatnasıq uqıplılıǵına iye emes dep tabılǵan puqaralar qatnasa almaydı.
Saylawda qatnasıw májbúriy me?
-Puqaralar jıyını baslıǵın saylawda puqaralardıń qatnasıwı ıqtıyarlı hám erkin bolıp tabıladı. Saylawda qatnasıwǵa yamasa qatnaspawǵa májbúrlew qadaǵan etiledi.
Puqaralar jıyını baslıǵı qalayınsha saylanadı?
- Puqaralar jıyını baslıǵı puqaralar jıyını tárepinen, al puqaralar jıyının ótkeriw imkaniyatı bolmaǵan jaǵdayda, puqaralar wákilleriniń jıynalısı tárepinen úsh jıl múddetke saylanadı.