Янгиликлар
30
Múrájat boyınsha puqaranıń huqıqı tiklendi
Taqıyatas rayonı ádillik bólimi tárepinen, puqara J.Qutlımuratovanıń Taqıyatas rayonı “Doslıq mákan” puqaralar jıyını (keyingi orınlarda “MPJ” dep júritiledi) baslıǵınıń tamarqa hám isbilermenlikti rawajlandırıw boyınsha orınbasarı lawazımında islep júrgen dáwirinde, úsh jasqa tolmaǵan perzenti barlıǵına hám hámeleli bolıwına qaramastan, 2021-jıl dekabr ayında MPJ baslıǵı jumıs orını qısqarıp atırǵanlıǵına baylanıslı miynet shártnamasın jumıs beriwshinıń baslaması menen biykarlaw boyınsha eskertiw berilip, usı jıldıń 14-fevral kúni miynet shártnamasın biykarlaw haqqında buyrıq shıǵarılǵanlıǵı tuwralı narazılıǵın bildirgen múrájatı úyrenilip shıǵıldı.
Úyreniw barısında, puqara J.Qutlımuratovanıń 2019-jıl 17-sentyabr kúni tuwılǵan perzenti (úsh jasqa tolmaǵan) barlıǵı, qalaberse rayonlıq medicina birlespesi tárepinen puqara J.Qutlımuratova hámileli bolǵanlıǵına baylanıslı miynetke jaramsızlıǵın tastıyıqlawshı maǵlıwmat berilgenligi anıqlandı.
Ózbekstan Respublikası Miynet kodeksinıń 231-statyasında, hámileli hayallarǵa hám bala tuwǵan hayallarǵa jıllıq miynet dem alıslar, olardıń qálewine kóre, tiyisligi boyınsha hámileli hám tuwıw miynet dem alısınan aldın yaki onnan keyin yamasa bala kútimi dem alısınan keyin beriletuǵınlıǵı kórsetilgen.Ózbekstan Respublikası Miynet kodekstıń 237-statyasında, hámileli hayallar hám úsh jasqa tolmaǵan balası bar hayallar menen dúzilgen miynet shártnamasın jumıs beriwshinıń baslaması menen biykarlawǵa jol qoyılmaytuǵınlıǵı, múddeti tamamlanǵanlıǵı sebebli miynet shártnaması biykar qılınǵan jaǵdaylarda da jumıs beriwshi usı statyada kórsetilgen hayallardı jumısqa jaylastırıw shártligi, jumısqa jaylastırıw dáwirinde bul hayallardıń is haqısı saqlanıp qalatuǵınlıǵı, biraq bul máwlet múddetli miynet shártnaması tamamlanǵan kúnnen baslap úsh aydan aspawlıǵı kerekligi belgilengen.
Solay etip, MPJ baslıǵınıń 2022-jıldıń 14-fevral kúngi puqara J.Qutlımuratova menen dúzilgen miynet shártnamasın biykarlaw haqqındaǵı 4-sanlı buyrıǵı, nızam talaplarına qayshı ráwishte shıǵarılǵanlıǵına baylanıslı nızam talaplarına muwapıqlastırıw hám puqara J.Qutlımuratovaǵa jıllıq miynet dem alısların beriw náwbetin belgilewde imtiyazlar qollaw lazımlıǵı MPJǵa orınlanıwı májbúriy bolǵan usınıs kiritildi.
Kiritilgen usınıs keńesgóyler hám aymaq belsendileri qatnasında úyrenip shıǵılıp, 2022-jıl 14-fevral kúngi buyrıǵı biykar etildi hám puqara J.Qutlımuratovanı 2022-jıl 29-mart kúni bala kútimi dem alısına jiberiw haqqındaǵı buyrıǵı qabıl etildi.
Taqıyatas rayonı
ádillik bólimi baslıǵı A.P.Abatov