Янгиликлар
25
Puqaralarǵa tálim kreditın beriw tártibi haqqında
Ózbekstan Respublikası Ministrler Kabinetinıń 2021-jıl 18-avgust kúngi “Joqarı bilimlendiriw mákemelerinde tólew-kontrakt tiykarında oqıw ushın tálim kreditlerın ajıratıwdı tártipke salıw is-ilajları haqqında”ǵı 527-sanlı qararı qabıl etildi. 2021-2022 oqıw jılınan baslap respublikadaǵı barlıq joqarı bilimlendiriw mákemeleri bakalavriatınıń kúndizgi bilimlendiriw formasında hám de magistratura basqıshında tólew-kontrakt tiykarında oqıw ushın tálim krediti ajıratıwdıń jańa sisteması jolǵa qóyıladı.Tálim kreditleri boyınsha kommerciyalıq banklerin qarjılay resurslar menen támiyinlew ushın Finans ministrligi janında Tálim kreditın qarjılay támiyinlew qorı shólkemlestirilgen. Qorǵa mámleket byudjetinen 2021-jılda keminde 1 trln sum, keyingi jıllarda haqıyqıy talaptan kelip shıǵıp qarjılar ajıratılıwı belgilengen.Tálim kreditleri kommerciyalıq bankleri tárepinen joqarı bilimlendiriw mákemeleriniń kúndizgi bólimlerine tólew-kontrakt tiykarında qabıl etilgen Ózbekstan Respublikası puqarası bolǵan studentlerdıń oqıwı ushın studentlerdıń ózlerine, olardıń ata-analarına yamasa qáwenderlerine beriledi. Tálim kreditleri bakalavriatqa oqıwǵa qabıl etilgen studentlerge 10 jılǵa shekem, magistraturaǵa oqıwǵa qabıl etilgen studentlerge 5 jılǵa shekem bolǵan múddetke beriledi.
Respublikadaǵı mámleketlik joqarı bilimlendiriw mákemeleri, jeke hám shet el joqarı bilimlendiriw shólkemleri hám de olardıń filialları studentlerine kontrakt tólewleri ushın tálim kreditleri ajıratıladı.Tálim kreditleri ushın tómendegi procent stavkaları belgilenedi:
Tálim kreditleri boyınsha procent stavkası Oraylıq banktıń qayta finanslastırıw stavkasınıń ózgeriwine qaray ózgeriwi múmkin, bul kredit shártnamasında belgilenedi.Kem támiyinlengen shańaraqlardan bolǵan studentler ushın kredit boyınsha procentlerdıń 50 procenti jumıs penen támiyinlewge kómeklesiwshi mámleketlik fondı qarjlarınan qaplanadı. Tálim kreditleri, qaǵıyda sıpatında qarız alıwshınıń (student, ata-ana yamasa qáwender) jasaw ornında jaylasqan bank filialları tárepinen beriledi.Ózbekstan Respublikası Prezidentiniń 2022-jıl 7-mart kúngi “Shańaraq hám hayal-qızlardı sistemalı qollap-quwatlawǵa baylanıslı islerdi jáne de jedellestiriw ilajları haqqında”ǵı 87-sanlı Pármanı qabıllandı.
Sonday-aq, 2022-2023-oqıw jılınan magistraturada oqıytuǵın barlıq hayal-qızlardıń kontrakt tólemleri tólep beriledi.2022-2023-oqıw jılınan baslap, Joqarı oqıw orınları, texnikum hám kolledjlerde, sırtqı hám keshki tálimde oqıp atırǵan hayal-qızlar kontraktların tólew ushın 7 jılǵa procentsiz kredit beriw ushın banklerge byudjetten hár jılı 1,8 trillion sum ajıratılıwı, mámleketlik JOOlarında magistraturada oqıp atırǵan barlıq hayal-qızlardıń kontrakt tólemleri qaplap beriledi hám buǵan hár jılı keminde 200 milliard sum ajıratılıwı, shet el JOOlarına bakalavriat ushın - 50, magistratura ushın - 10 hayal-qızlarǵa hár jılı “El-yurt umidi” qorı arqalı qosımsha grantlar ajıratılıwı, hár jılı 2 100 sociallıq mútájligi bar shańaraq wákilleri, jetim yamasa ata-anasınıń qaramaǵınan ayırılǵan student hayal-qızlardıń tálim kontraktları jergilikli byudjetten tólep beriliwi belgilengen.
Xojeli rayonı Yuridikalıq xızmet
kórsetiw orayı bas yuriskonsultı G.Faxratdinova