Янгиликлар
19
Nızamshılıqtaǵı_jańalıqlar
“2022–2026-jıllarda “Abat awıl” hám “Abat máhálle” baǵdarlamaların ámelge asırıw ilajları haqqında”ǵı Prezident qararı (PQ–172-san, 18.03.2022-j.) qabıl etildi.Qararǵa kóre, 2022–2026-jıllarda “Abat awıl” hám “Abat máhálle” baǵdarlamaları sheńberinde qurılıs, ońlaw hámde abadanlastırıw jumısları ámelge asırılatuǵın awıl hám máhálleler sanı boyınsha maqsetli parametrler tastıyıqlandı.
Usıǵan kóre, belgilengen jıllarda respublikadaǵı jámi 2 043 awıl hám máhállelerde (sonıń ishinde, 2022-jılda 413 inde) qurılıs, ońlaw, abadanlastırıw jumısları ámelge asırıladı.Baǵdarlamalar sheńberinde belgilengen jıllarda jámi 4057 sociallıq taraw obektlerin, sonıń ishinde 2022-jılda:
➖143 baqsha;
➖265 mektep;
➖137 densawlıqtı saqlaw mákemesin qurıw, rekonstrukciya etiw hám ońlaw rejelestirilgen.
Sonday-aq:
➖ 27 722,5 km ishki jollar (2022-jılda – 5 113,2 km), 18 574,8 km ishimlik suw sistemaları (2022-jılda – 3 881,7 km tarmaq, 432 soorujenie) jaqsılanadı;
➖ jámi 5 962 puqaralardıń ózin-ózi basqarıw uyımları kompleksleri, bazarlar (sonıń ishinde, 2022-jılda 253 máhálle imaratı hám gúzar, 894 bazar) qurıladı hámde ońlanadı;
➖ 5 284,2 km optik talalı baylanıs tarmaqları (2022-jılda – 1 327,1 km) qurıladı;
➖ 78 jańa avtobus jónelisleri (2022-jılda 16) shólkemlestiriledi.
Ishki jollardı ońlaw ushın 2 trillion sum, ishimlik suw támiynatın jaqsılaw ushın 1 trillion sum, sociallıq taraw hám basqa obektlerdi qurıw (ońlaw) hám abadanlastırıwǵa 1,4 trillion sum qarjı ajıratıladı.
Qararǵa kóre, 2023-jıldan:
➖awıl hám máhállelerdegi bar bolǵan islep shıǵarıw hámde sociallıq infrastruktura obektleriniń haqıqıy jaǵdayı tastıyıqlanǵan ólshemler tiykarında bahalanıp barıladı;
➖bahalaw nátiyjelerine kóre eń pás kórsetkish kórsetken hám ótken dáwir dawamında Baǵdarlamalarǵa kirgizilmegen awıl hám máhálleler Baǵdarlamalarǵa birinshi náwbette kirgiziledi.