Янгиликлар
01
1-marttan nızamshılıqta neler ózgeredi?
1.Ózbekstan Respublikası Prezidentiniń 2021-jıl 30-noyabrdegi imzalaǵan ÓRQ-734-sanlı Nızamına tiykar tansport quralın basqarıwshı janında pasport yáki ID-kartası bolǵan jaǵdayda tómendegi hújjetlerdi alıp júriw talap etilmeydi:
• transport basqarıw, dizimnen ótkizilgenlikke tiyisli hújjetler
• isenim xat
• qamsızlandırıw polisi
Bul hújjetler haqqındaǵı maǵlıwmatlar JPX xızmetkeri tárepinen elektron sistema arqalı ǵarezsiz túrde tekseriledi.
2.Ózbekstanda nıqab taǵıw májbúryatı biykar etiledi.Respublikalıq arnawlı komissiyasınıń 23-fevraldaǵı qararına muwapıq, 1-marttan baslap Ózbekstanda nıqab taǵıp júriw májbúryatı talabı biykar etildi.
3. Mayıplıǵı bolǵan shaxslarǵa dáramat salıǵı hám sociallıq salıq boyınsha imtiyazlar beriledi.
Ózbekstan Respublikası Prezidentiniń 2021-jıl 21-dekabrdegi PQ-57-sanlı qararına muwapıq Salıq kodeksiniń 380-statyası birinshi bólimine muwapıq balalıqtan mayıplıǵı bolǵan shaxslar hámde I hám II topar mayıplıǵı bolǵan shaxslar ushın dáramat Salıǵı boyınsha belgilengen imtiyaz miynetke haqı tólewdiń eń kem muǵdarınıń 1,41 esesinen 3esesine shekem asırıldı.
4. UJK xızmetler haqın tólew boyınsha imtiyazlar ornına aylıq kompensaciya tólemleri járiyalandı. Ózbekstan Respublikası Prezidentiniń 2022-jıl 28-yanvardaǵı PF-58-sanlı pármanı menen úy-jay kommunal xızmetler haqısın tólew boyınsha imtiyazlar ornına aylıq kompensaciya pul tólemleri, onı alıw huqıqına iye bolǵanbarlıq imtiyazlı taypadagı shaxslarǵa usı shaxslardıń pensiya alıwı yáki almawı hámde miynet iskerligin alıp barıwı yáki barmawına qaramastan tólep barıladı.
Qanlikól rayonı yuridikalıq xızmet
kórsetiw orayı baslıǵı J.Ótemisova